قومی ٹیم میں شعیب ملک اچھی سیاست کرتے ہیں، احمد شہزاد کا انکشاف

لاہور (اردو پوائنٹ تازہ ترین اخبار ۔ 6 جولائی 2022ء ) پاکستان کرکٹ ٹیم کے ٹیسٹ اوپنر احمد شہزاد نے سابق کپتان شعیب ملک کے حوالے سے گفتگو کرتے ہوئے کہا ہے کہ وہ قومی ٹیم میں بڑی اچھی سیاست کرتے ہیں۔ جیو نیوز کے پروگرام ’سکور‘ میں گفتگو کرتے ہوئے 30 سالہ احمد شہزاد بولے کہ قومی ٹیم کے ڈریسنگ روم میں سیاست ہوتی ہے اور سابق کپتان شعیب ملک اچھی سیاست کرتے ہیں۔

(جاری ہے)

2009ء سے 2019ء کے درمیان پاکستان کے لیے 13 ٹیسٹ 81 ون ڈے اور 59 ٹی ٹونٹی کھیلنے والے احمد شہزاد کہتے ہیں کہ شعیب ملک کی شخصیت ایسی ہے کہ وہ اچھے سیاستدان بن سکتے ہیں، کیونکہ وہ چیزوں کو اچھے اور لمبے عرصے تک لے کر چلانے کی اہلیت رکھتے ہیں۔