کامن ویلتھ گیمز: پاکستان نے ریسلنگ میں ایک اور میڈل جیت لیا

برمنگھم (اردو پوائنٹ تازہ ترین اخبار ۔ 6 اگست 2022ء ) کامن ویلتھ گیمز 2022 کے ریسلنگ مقابلوں میں پاکستان ایک اور میڈل جیت گیا۔ اس مرتبہ 57 کلوگرام کیٹیگری میں علی اسد نے برانز میڈل اپنے نام کیا ہے۔ برانز میڈل کے اس میچ میں قومی ریسلر نے نیوزی لینڈ کے سورج سنگھ کو چاروں شانے چت کردیا۔ انہوں نے صرف 54 سیکنڈز میں ہی حریف کو 0-11 چت کرتے ہوئے یہ میڈل اپنے نام کیا۔

(جاری ہے)

خیال رہے کہ کامن ویلتھ گیمز میں پاکستان کے مجموعی میڈلز کی تعداد 6 ہوگئی ہے جن میں ایک گولڈ ، ایک سلور اور 4 برانز میڈل شامل ہیں ۔ واضح رہے کہ پاکستان نے رواں ایونٹ میں اب تک ایک گولڈ میڈل جیتا ہے جو نوح دستگیر بٹ نے 109 کلوگرام کیٹگری میں 405 کلو وزن اٹھا کر جیتا تھا۔