فیفا نے بھارتی فٹبال فیڈریشن کی رکنیت معطل کردی

لندن (اردو پوائنٹ تازہ ترین اخبار ۔ 16 اگست 2022ء ) فیفا نے بھارتی فٹبال فیڈریشن کی رکنیت معطل کردی جس کے باعث بھارت اکتوبر میں ہونے والے انڈر 17 ورلڈکپ کی میزبانی سے محروم ہوگیا ہے ۔ فیفا کے مطابق فٹبال معاملات میں بیرونی مداخلت کی وجہ سے بھارت کو معطل کیا گیا ہے جب تک فٹ بال کے معاملات منتخب باڈی کے سپرد نہیں ہوتے تو رکنیت معطل رہے گی۔ بھارتی عدالت نے مئی میں فٹبال فیڈریشن برطرف کرکے 3 رکنی کمیٹی قائم کردی تھی۔

(جاری ہے)

فیفا قوانین کے تحت فٹبال معاملات میں بیرونی مداخلت قبول نہیں ہے ، معطلی کی وجہ سے بھارت اکتوبر میں ہونے والے انڈر 17 ورلڈ کپ کی میزبانی سےمحروم ہو گیا ہے۔ یاد رہے کہ پاکستان بھی بیرونی مداخلت کی وجہ سے کئی سال پابندی کا شکار رہا تھا۔