گورنمنٹ سٹی گرلز کالج گلبہار میں جشن آزادی سپورٹس فیسٹیول کا انعقاد

پشاور(اُردو پوائنٹ اخبارتازہ ترین - این این آئی۔ 17 اگست2022ء) گورنمنٹ سٹی گرلز کالج گلبہار میں جشن آزادی سپورٹس فیسٹیول کا انعقاد کیا گیا جس میں کالج کی طالبات نے حصہ لیا۔ والی بال میں سینئر ریڈ نے گرین کو دو صفر سے ہرایا۔ باسکٹ بال میں جونیئرز گرین نے ریڈ کو 25-20 سے شکست دی۔

(جاری ہے)

سائیکلنگ انفرادی مقابلے میں اسلامیات ڈیپارٹمنٹ کی سحرش منیر نے پہلی، سال اول کی ثنا نے دوسری اور شعبہ کیمسٹری کی لائبہ احسان نے تیسری پوزیشن حاصل کی۔ کالج پرنسپل پروفیسر طاہرہ ڈار نے کھلاڑیوں میںانعامات تقسیم کئے۔ ڈائریکٹریس سپورٹس نجمہ قاضی بھی اس موقع پر موجود تھیں۔