وزیراعظم شہباز شریف کا ڈیپارٹمنٹل سپورٹس پر عائد پابندی ختم کرنے کا اعلان

اسلام آباد (اردو پوائنٹ تازہ ترین اخبار ۔ 25 اگست 2022ء ) وزیراعظم شہباز شریف نے ڈیپارٹمنٹل کرکٹ سمیت دیگر تمام کھیلوں پر عائد کی گئی پابندی ختم کرنے کا اعلان کردیا۔ اسلام آباد میں برمنگھم میں ہونے والی کامن ویلتھ گیمز میں میڈلز جیت کر آنے والے ایتھلیٹس کی حوصلہ افزائی کی تقریب سے خطاب کرتے ہوئے وزیراعظم شہباز شریف نے اعلان کیا کہ گزشتہ حکومت کے دور میں ڈیپارٹمنٹل کرکٹ پر لگائی گئی پابندی ختم کررہے ہیں۔

(جاری ہے)

قبل ازیں سابق کرکٹرز معین خان، مصباح الحق، وسیم اکرم، عمر گل، محمد حفیظ سمیت دیگر نے ڈیپارٹمنٹل کرکٹ ختم ہونے پر تنقید کرتے ہوئے اس وقت کے وزیراعظم عمران خان سے ملاقات بھی کی تھی تاہم انہیں خالی ہاتھ واپس لوٹنا پڑا تھا۔ مصباح الحق اور محمد حفیظ سمیت سابق کرکٹرز نے عمران خان کو سمجھایا تھا کہ جب بھی اصلاحات ہوں تو تھوڑے مسائل پیش آتے ہیں، یکدم نتائج بھی سامنے نہیں آتے لیکن وزیراعظم نے کوئی عملی اقدام نہیں اٹھایا تھا۔