بین ڈکٹ نے ابرار احمد کو "مسٹری سپنر" کی بجائے لیگ سپنر قرار دیدیا

لاہور (اردو پوائنٹ تازہ ترین اخبار ۔ 23 جنوری 2023ء ) انگلینڈ کے بلے باز بین ڈکٹ نے پاکستان کے ابرار احمد کو "مسٹری سپنر" کی بجائے لیگ سپنر قرار دیدیا۔ بین ڈکٹ نے اعتراف کیا کہ ابرار احمد نے انگلینڈ کے خلاف 3 ٹیسٹ میچوں کی سیریز کے دوران اچھی بولنگ کی، انہوں نے اپنے پہلے میچ کی پہلی اننگز میں 7 وکٹیں حاصل کیں اور مجموعی طور پر ٹیسٹ سیریز میں 17 وکٹیں حاصل کیں۔

بین ڈکٹ نے یہ بھی تسلیم کیا کہ ابرار احمد کے پاس "اچھی گگلی" تھی۔ ابرار احمد کو نیوزی لینڈ کے خلاف 2 ٹیسٹ میچوں کی سیریز کے لیے بھی منتخب کیا گیا تھا، جہاں انہوں نے 11 وکٹیں حاصل کی تھیں۔ بین ڈکٹ کے مطابق انہیں لگتا ہے کہ 24 سالہ کھلاڑی مسٹری گیند باز نہیں ہے، انہوں نے اعتراف کیا کہ ابرار نے "خوبصورت باؤلنگ" کی اور اس کے پاس "اچھی گوگلی" ہے۔

(جاری ہے)

28 سالہ بین ڈکٹ نے کہا کہ "ابرار احمد بنیادی طور پر ایک لیگ اسپنر تھا جس کی گگلی اچھی تھی، اس میں کوئی حقیقی معمہ نہیں تھا لیکن اس نے خوبصورت گیند بازی کی‘‘۔ ابرار احمد اب پاکستان سپر لیگ (پی ایس ایل) میں اسلام آباد یونائیٹڈ کے لیے کھیلیں گے، جو 13 فروری سے 19 مارچ تک کراچی، لاہور، ملتان اور راولپنڈی میں کھیلی جائے گی۔ اسلام آباد یونائیٹڈ اپنی پی ایس ایل 8 مہم کا آغاز 16 فروری کو کراچی کنگز کے خلاف کرے گی۔