تجربات کرنے میں کوئی مسئلہ نہیں ہے ، جیتنا اولین ترجیح ہونی چاہیے، رمیز راجہ

ہفتہ 25 مارچ 2023 22:23

تجربات کرنے میں کوئی مسئلہ نہیں ہے ، جیتنا اولین ترجیح ہونی چاہیے، رمیز راجہ
کراچی(اُردو پوائنٹ اخبارتازہ ترین - این این آئی۔ 25 مارچ2023ء) سابق چیئرمین پاکستان کرکٹ بورڈ (پی سی بی) رمیز راجا نے افغانستان سے شکست پر کہا ہے کہ تجربات کرنے میں کوئی مسئلہ نہیں ہے ، جیتنا اولین ترجیح ہونی چاہیے۔آفیشل یوٹیوب چینل پر سابق کرکٹر رمیز راجا ویڈیو پیغام دیتے ہوئے کہا کہ تجربات کرنے میں کوئی مسئلہ نہیں ہے لیکن جیتنا اولین ترجیح ہونی چاہیئے، ناقص کارکرگی کے باعث ایسا تاثر ملتا ہے کہ آپ کے بیک اًپ پر اچھے کھلاڑی موجود نہیں یا ٹیلنٹ کی کمی ہے۔

(جاری ہے)

انہوں نے کہا کہ شارجہ کی پچ پر اگر پاکستان ایک اور اسپنر کے ساتھ میدان پر اٴْترتا تو فائدہ ہوسکتا تھا، پچ کو دیکھتے ہوئے مجھے لگتا ہے کہ یہ ایک دلچسپ سیریز ہوگی لیکن مجھے یہ دیکھنا ہے شکست پر پاکستان کی حکمت عملی کیا ہوگی۔رمیز راجا نے کہا کہ شکست کے باوجود پاکستان سیریز میں واپسی اور جیتنے کیلئے پٴْرامید ہوگی۔واضح رہے کہ گزشتہ روز 93 رنز کے معمولی ہدف کا تعاقب کرتے ہوئے، افغانستان 4 وکٹوں کے نقصان پر 17.5 اوورز میں ٹارگٹ حاصل کرلیا، یہ افغان ٹیم کی پاکستان کے خلاف کسی بھی فارمیٹ میں پہلی کامیابی تھی۔
وقت اشاعت : 25/03/2023 - 22:23:46

مزید متعلقہ خبریں پڑھئیے‎ :