جنوبی افریقی ویمن کرکٹ ٹیم تاریخ میں پہلی بار پاکستان آئے گی

کراچی (اردو پوائنٹ تازہ ترین اخبار ۔ 16 جون 2023ء ) جنوبی افریقہ کی خواتین کرکٹ ٹیم اس سال کے آخر میں پاکستان کا دورہ کرے گی جہاں وہ پاکستان ویمن کرکٹ ٹیم کے خلاف چھ وائٹ بال میچز کھیلے گی۔ یہ جنوبی افریقہ کی خواتین ٹیم کا پاکستان کا پہلا دورہ ہوگا۔ پی سی بی کے ذرائع کے مطابق جنوبی افریقی ٹیم یکم سے 14 ستمبر تک تین ون ڈے اور تین ٹی ٹونٹی کھیلے گی۔

یہ تمام میچ کراچی کے نیشنل بینک کرکٹ ایرینا میں کھیلے جائیں گے۔

(جاری ہے)

پی سی بی کی جانب سے سیریز کے باضابطہ میچ کے شیڈول کا اعلان آئندہ چند روز میں متوقع ہے۔ ان چھ میچوں اور ایشین گیمز کی تیاری کے لیے سیریز سے قبل قومی خواتین کرکٹ ٹیم کے لیے ایک تیاری کیمپ بھی لگایا جا رہا ہے۔