ورلڈکپ فائنل میں شکست، بھارتی میڈیا نے پچ کے پول کھولنا شروع کردیے

احمد آباد(اُردو پوائنٹ اخبارتازہ ترین - این این آئی۔ 20 نومبر2023ء) آئی سی سی ون ڈے فائنل میں ناقص کارکردگی پر بھارتی فینز ٹیم پر برس پڑے۔بھارتی میڈیا نے پچ کے بھی پول کھولنا شروع کردئیے اور کہا ہے کہ بڑے دل کا مظاہرہ کرکے باؤنسنگ پچ بنانی چاہیے تھی لیکن جان بوجھ کرڈیڈ پچ بنا کر دفاعی اپروچ اپنائی گئی۔

(جاری ہے)

مداحوں کی جانب سے کہا گیا کہ فائنل میں ٹیم کی فیلڈنگ بھی ناقص تھی، کوئی بال کے پیچھے گرتا ہی نہیں، بولنگ میں بھی دو تین اوورز کے بعد بھارتی بولرز کے کاندھے ہی گرگئے، ٹیم انڈیا نے 12 سال بعد ملنے والا موقع گنوا دیا۔دوسری جانب بھارتی ٹیم کی شکست پر پاکستان کے سابق فاسٹ بولر شعیب اختر نے انڈین فینز کو دلاسا دیا اور کہا آپ کو اپنی ٹیم پر فخرہونا چاہیے۔