’بابر کو کنگ دنیا نے بنایا ہے، آپکے کہنے یا نہ کہنے سے کچھ نہیں ہوتا‘ ،امام، بابر کے دفاع میں سامنے آگئے

لاہور (اردو پوائنٹ تازہ ترین اخبار ۔ 14 جون 2024ء ) قومی ٹیم کے اوپنر امام الحق ایک مرتبہ پھر کپتان بابر اعظم دفاع میں سامنے آگئے۔ نجی ٹی وی چینل کے پروگرام میں مسلسل ٹیم سے نظر اندار کیے جانے والے اوپنر احمد شہزاد نے گزشتہ روز بابر اعظم کو جعلی کنگ قرار دیتے ہوئے ٹی ٹونٹی ورلڈ کپس میں ان کے اعداد و شمار پر تنقید کا نشانہ بنایا تھا، جس پر امام الحق نے انہیں جواب دیتے ہوئے کہا کہ ہم سب نے پاکستان کیلئے کھیلا ہے اور سب ٹیم کی بھارت کے خلاف کارکردگی سے مطمئن نہیں تاہم احترام کے عنصر کو نظر انداز نہیں کیا جانا چاہیے۔

انہوں نے کہا کہ وہ پاکستان کا کپتان ہے، آپ نہیں ماننا چاہتے، ٹھیک ہے! دنیا نے اُسے کنگ بنایا ہے آپ نہیں مانیں!، بابر اعظم پر تنقید کو امام الحق نے باڈی شیمنگ سے بھی تشبیح دی۔

(جاری ہے)

امام الحق نے مزید کہا کہ بابر کو ٹیم کیلئے ان کی خدمات اور اس حقیقت کا احترام کیا جانا چاہیے وہ 250 سے زیادہ میچز کھیل چکے ہیں، ان اعداد و شمار کا بھی جائزہ لیں‘۔

قبل ازیں احمد شہزاد نے بابر اعظم کو جعلی کنگ قرار دیتے ہوئے ٹیم میں دوستوں کو کھلانے کا الزام عائد کیا تھا جبکہ متعدد پی سی بی چیئرمینز کی جانب سے ان کا احتساب نہ کرنے پر ناراضگی کا اظہار کیا تھا۔ ان کا مزید کہنا تھا کہ ورلڈ کپ میں پاور پلے میں بابر اعظم نے 205 گیندوں کا سامنا کیا لیکن ایک چھکا تک لگانے میں کامیاب نہ ہوئے۔