دوسرا ون ڈ ے ، پاکستان نے بنگلہ دیش کو جیت کے لیے 240رنز کا ہدف دیدیا

اتوار 19 اپریل 2015 17:15

دوسرا ون ڈ ے ، پاکستان نے بنگلہ دیش کو جیت کے لیے 240رنز کا ہدف دیدیا

میرپور (اردو پوائنٹ تازہ ترین اخبار19اپریل ۔2015ء ) دوسر ے ایک روزہ میچ میں پاکستان نے بنگلہ دیش کو جیت کے لیے 240رنز کا ہدف دیا ہے ۔ شیر بنگلہ سٹیڈیم ،میر پور میں کھیلے جارہے میچ میں پاکستان نے بنگلہ دیش کے خلاف ٹاس جیت کر پہلے بیٹنگ کر تے ہوئے مقررہ 50اوورز میں 6وکٹوں کے نقصان پر 239رنز بنائے ۔ پاکستان کا آغاز حسب معمول اچھا نہیں تھا اور وکٹ کیپر بلے باز سرفراز احمد 7رنز بنا کر آؤٹ ہوگئے ۔

پروفیسر حفیظ نے کھاتہ کھولنے کی زحمت بھی گوارا نہ کی اور عرفات سنی کی گیند پر بولڈ ہوگئے ۔ کپتان اظہر علی نے بھی ٹیم کو بیچ منجدھار میں چھوڑا اور 60گیندوں پر 36رنز بنا کر پوویلین لوٹ گئے ۔ فواد عالم ناصر حسین کی سیدھی گیند نہ پڑھ پائے اور بغیر کوئی رن بنائے بولڈ ہوکر پوویلین لوٹ گئے ۔

(جاری ہے)

نوجوان بلے باز محمد رضوان بھی آج کچھ کرنے میں ناکام رہے اور 13رن پر پوویلین لوٹ گئے ۔

اس موقع پر ایسا محسوس ہورہا تھا کہ پوری ٹیم شاید 50اوور بھی نہ کھیل پائے تاہم سعد نسیم اور حارث سہیل نے ذمہ درانہ بیٹنگ کا مظاہرہ کر تے ہوئے ٹیم کا سکور آہستہ آہستہ آگے بڑھانا شروع کیا اور چھٹی وکٹ کی شراکت میں 77رنز جوڑے ۔ حارث سہیل سیٹ ہوکر وکٹ دینے کی عادت نہ چھوڑ پائے اور 44رنز بنا کر پوویلین لوٹ گئے ۔ اس موقع پر وہاب ریاض نے بھی کچھ کر نے ٹھانی اور سعد نسیم کے ساتھ مل کر بنگالی باؤلر ز پر لاٹھی چارج کر ڈالا جس کی بدولت گرین شرٹس نے مقررہ 50اوورز میں 6وکٹوں پر 239رنز بنا ڈالے ۔ وہاب ریاض 51اور سعد نسیم 77رنز بنا کر ناٹ آؤٹ رہے ۔ بنگلہ دیش کی جانب سے شکیب الحسن نے 2اور عرفات سنی ،ناصر حسین ، روبیل حسین اور مشرفی مرتضی نے 1،1کھلاڑی کو آؤٹ کیا ۔

وقت اشاعت : 19/04/2015 - 17:15:14

مزید متعلقہ خبریں پڑھئیے‎ :

متعلقہ عنوان :