پی سی بی نے ڈومیسٹک کرکٹرز کی تنخواہوں میں اضافے کا اعلان کر دیا

لاہور (اردو پوائنٹ تازہ ترین اخبار۔ 5 اگست 2024ء ) پاکستان کرکٹ بورڈ (پی سی بی) نے پیر کو مینز ڈومیسٹک کرکٹ سیزن 25-2024ء کے لیے اپنے منصوبوں کی نقاب کشائی کی جس میں یکم ستمبر 2024ء سے 5 اگست 2025ء تک مردوں کے 8 سینئر ٹورنامنٹس میں 261 میچز کھیلے جائیں گے۔ گزشتہ تین سالوں سے بہترین کارکردگی کا مظاہرہ کرنے والے ڈومیسٹک پلیئرز میں سے تقریباً 150 سینٹرل کنٹریکٹ یافتہ کھلاڑی ان ٹورنامنٹس کے لیے اہل ہوں گے۔

پی سی بی نے ڈومیسٹک کنٹریکٹس میں اپ گریڈ کا بھی انکشاف کیا جس میں 150 کرکٹرز کو تنخواہوں میں اضافہ کیا گیا ہے۔ 

کیٹگری 1: 40 کھلاڑی ماہانہ 550,000 روپے وصول کریں گے 

کیٹگری 2: 50 کھلاڑیوں کو 400,000 روپے ماہانہ ملیں گے 

کیٹگری 3: 60 کھلاڑی ماہانہ 250,000 روپے کمائیں گے 

2023-24ء کے سیزن میں موازنہ کے لیے کیٹگری کے لحاظ سے ڈومیسٹک معاہدے 50,000 روپے سے 300,000 روپے کے درمیان تھے۔

(جاری ہے)

اس کے علاوہ کھلاڑیوں کو میچ فیس میں اضافے سے فائدہ ہوگا: ریڈ بال کرکٹ کے کھلاڑیوں کو 200,000 روپے، ففٹی اوور کے میچز کے لیے 125,000 روپے اور ٹی ٹونٹی میچز کے لیے 100,000 روپے دیئے جائیں گے۔ یہ پچھلے سیزن کی میچ فیس سے نمایاں اضافہ ہے جو ریڈ بال کے لیے 80,000 روپے اور وائٹ بال کرکٹ کے لیے 40,000 روپے ہے۔