پی سی بی کا مضبوط اور تجربہ کار شخص کو ٹیم منیجر مقرر کرنے کا فیصلہ

لاہور (اردو پوائنٹ تازہ ترین اخبار۔ 5 اگست 2024ء ) پاکستان کرکٹ بورڈ ( پی سی بی ) نے وہاب ریاض کو نکالنے کے بعد قومی ٹیم کے مینجر کی تقرری کیلئے کوششیں شروع کردیں ۔ نجی ٹی وی ’سماء نیوز‘ کے ذرائع کے مطابق پی سی بی کی جانب سے پاکستان کرکٹ ٹیم کا ایک مضبوط اور تجربہ کار شخص کو منیجر مقرر کرنے کا فیصلہ کیا گیا ہے جبکہ تجربہ کار منیجر کے ساتھ ایک لاجسٹک معاملات کے لئے معاون بھی مقرر کیا جائے گا۔

(جاری ہے)

ذرائع نے بتایا کہ سابق چیئرمین پی سی بی ذکاء اشرف دور میں ٹیم مینجر نوید اکرم چیمہ کو شارٹ لسٹ کرلیا گیا ہے اور وہ وہاب ریاض کو ہٹائے جانے کے بعد دوبارہ قومی ٹیم کا مینجر بننے کے مضبوط امیدوار ہیں۔ غیر ملکی سٹرینٹھ اینڈ کنڈیشنگ کوچ اور فزیو برقرار رہیں گے۔ کلف ڈیکن اور سائمن ڈریکس فزیو اور سٹرینتھ اینڈ کنڈیشنگ کوچ کے طور پر کام کر رہے ہیں ۔ فیلڈنگ کوچ بھی غیر ملکی رکھنے کا امکان ہے، سائمن ہیلمٹ ٹی ٹونٹی ورلڈ کپ میں فیلڈنگ کوچ تھے۔