دی ہنڈرڈ کرکٹ کمپٹیشن میں (کل )مزید دو میچوں کا فیصلہ ہوگا

لندن (اُردو پوائنٹ اخبارتازہ ترین - اے پی پی۔ 13 اگست2024ء) انگلینڈ اینڈ ویلز کرکٹ بورڈ (ای سی بی ) کے زیر اہتمام ہنڈرڈ کرکٹ کمپٹیشن کا چوتھا ایڈیشن انگلینڈ میں جاری ہے جس میں 8 ٹیمیں ٹائٹل کے حصول کے لئے ایکشن میں ہیں۔ٹورنامنٹ میں شامل 8 ٹیموں میں ٹرینٹ راکٹس ، برمنگھم فینکس ،لندن سپرٹ ،مانچسٹر اوریجنلز،ناردرن سپر چارجرز،اوول انوینسیبل،سدرن برئیو اور ویلش فائر شامل ہیں۔

ٹورنامنٹ میں (کل )بدھ کو مزید دو میچ کھیلے جائیں گے۔ پہلا میچ سدرن برئیو اور ویلش فائر کی ٹیموں کے درمیان سائوتھمپٹن میں کھیلا جائے گا جبکہ دوسرا میچ ٹرینٹ راکٹس اور اوول انوینسیبل کی ٹیموں کے درمیان ناٹنگھم میں کھیلا جائے گا۔ ہنڈرڈ ایک پیشہ ورانہ 100 گیندوں پر مشتمل کرکٹ ٹورنامنٹ ہے جس میں انگلینڈ اور ویلز کے بڑے شہروں سے 8 مردوں کی ٹیمیں ٹائٹل کے حصول کے لئے پنجہ آزمائی کررہی ہیں۔

(جاری ہے)

ہنڈرڈ اپنی نوعیت کا رواں موسم گرما کا چوتھا ایونٹ ہے ۔ ہنڈرڈ کا پہلا ایڈیشن کووڈ۔ 19 کی وبا کی وجہ سے ایک سال کی تاخیر سے 2021 میں شروع ہوا تھا۔ ہینڈرڈ بہت ہی مختصر فارمیٹ کا کھیل ہے جس کے ہر میچ کا دورانیہ ڈھائی گھنٹے پر محیط ہے ۔ٹورنامنٹ میں فائنل سمیت 34 میچز کھیلے جائیں گے،ٹورنامنٹ کا فائنل میچ 18اگست کو لارڈز ، لندن میں کھیلا جائے گا۔\932