ایک میچ میں 3 سپر اوور، ٹی ٹونٹی کرکٹ میں انوکھا ریکارڈ قائم

نئی دہلی (اردو پوائنٹ تازہ ترین اخبار۔ 24 اگست 2024ء ) ٹی ٹونٹی کرکٹ میں ایک میچ میں پہلی بار 3 سپر اوورز کروانے کا ریکارڈ بن گیا۔ بھارت کے مہاراجا ٹرافی ٹی ٹونٹی کرکٹ میچ میں انوکھا ریکارڈ قائم ہو گیا جہاں میچ کا فیصلہ ایک کے بجائے 3سپر اوور پر کرنا پڑا۔بنگلورو بلاسٹرز اور ہبلی ٹائیگرز کے درمیان میچ مقررہ اوورز میں برابر رہا، ہبلی ٹائیگرز کے 164 رنز کے ٹارگٹ کے جواب میں بنگلورو بلاسٹرز بھی 164 رنز ہی بنا سکی۔

(جاری ہے)

پہلے 2 سپر اوورز تک میچ کا فیصلہ نہ ہو سکا تو تیسرا سپر اوور کروانا پڑا، پہلے سپر اوور میں دونوں ٹیمیں 10،10 رنز بنا سکیں، دوسرے سپر اوور میں ہبلی ٹائیگرز کے 8 رنز کے ٹارگٹ کے جواب میں بنگلورو بھی 8 ہی رنز بنانے میں کامیاب ہوئی۔ تیسرے سپر اوور میں بنگلورو کے 12 رنز کے جواب میں ہبلی ٹائیگرز نے آخری گیند پر کامیابی حاصل کی۔ ٹی ٹوئنٹی کرکٹ میں ایک میچ میں پہلی بار 3 سپر اوورز کروانے کا یہ منفرد ریکارڈ قائم ہوا ہے۔