نامور کیوی کرکٹرز نے قومی ٹیم پر لیگ کرکٹ کو ترجیح دیتے ہوئے سینٹرل کنٹریکٹ ٹھکرا دیا

آکلینڈ (اردو پوائنٹ تازہ ترین اخبار۔ 3 ستمبر 2024ء ) نیوزی لینڈ کرکٹ ٹیم کے کئی نامور پلئیرز نے قومی ٹیم کے بجائے لیگ کرکٹ کو ترجیع دیتے ہوئے سینٹرل کنٹریکٹس کا ٹھکرادیا۔ میڈیا رپورٹس کے مطابق نیوزی لینڈ کرکٹ بورڈ نے ڈومیسٹک اور انٹرنیشنل کرکٹ میں شاندار کارکردگی دکھانے والے نوجوان پلئیرز آل راؤنڈر نیتھن اسمتھ اور جوش کلارکسن کو سینٹرل کنٹریکٹ دے دیا ہے جب کہ ڈیون کونوے اور فن ایلن فرنچائز کرکٹ پر توجہ دینے کیلئے کنٹریکٹس چھوڑ دیئے ہیں۔

اسی طرح کیوی ٹیم کے کپتان کین ولیمسن نے نہ صرف سینٹرل کنٹریکٹ سے انکار کیا بلکہ قومی ٹیم کی کپتانی بھی چھوڑ دی ہے۔ نیوزی لینڈ کرکٹ بورڈ کی طرف سے سینٹرل کنٹریکٹ حاصل کرنے والے کھلاڑیوں میں ٹام بلنڈل، مائیکل بریسویل، مارک چیپ مین، جوش کلارکسن، جیکب ڈفی، میٹ ہنری، کائل جیمیسن، ٹام لیتھم، ڈیرل مچل، ہنری نکولس، ول او رورک، اعجاز پٹیل، گلین فلپس، راچن رویندرا، مچل سینٹنر، بین سیئرز، نیتھن اسمتھ، ایش سودھی، ٹم ساؤتھی اور ول ینگ شامل ہیں۔

(جاری ہے)

قبل ازیں تینوں کرکٹرز نے اگست میں بھی سینٹرل کنٹریکٹس نہ لینے کا اعلان کیا تھا تاہم اس کے باوجود کیوی اسکواڈ کا حصہ رہے تھے۔