چیمپئنز کپ میں ایسے کھلاڑیوں کو شامل کیا گیا ہے جو طویل عرصہ پاکستان کرکٹ کی خدمت کرسکیں‘ندیم خان

+ فیصل آباد(اُردو پوائنٹ اخبارتازہ ترین - آن لائن۔ 08 ستمبر2024ء) پاکستان کرکٹ بورڈ کے ڈائریکٹر ہائی پرفارمنس سابق ٹیسٹ کرکٹر ندیم خان نے کہا ہے کہ چیمپئنز کپ میں ایسے کھلاڑیوں کو شامل کیا گیا ہے جو طویل عرصہ پاکستان کرکٹ کی خدمت کرسکیں۔ان میں سینئراور نوجوان کرکٹرز بھی شامل ہیں ‘فیصل آباد اقبال اسٹیڈیم کی حالت بہت بہترکر دی گئی ہے ، چیمپئنز ون ڈے کپ کو دیکھنے کیلئے اقبال اسٹیڈیم بہت زیا دہ کڑکٹ شائقین آئیں گے چیمپئنز ون ڈے کپ کا مقصد ڈو میسٹک اور انٹرنیشنل کا فرق کم کرنا ہے ، آن لا ئن کے مطا بق ان خیا لا ت کا اظہا ر انہوں نے چیمپئنز ون ڈے کپ کے سلسلہ میں گفتگو کر تے ہو ئے کیا ،انہو ں نے کہا کہ یمپئنز ون ڈے کپ میں بہترین کرکٹرز حصہ لے رہے ہیں اور اس ٹورنامنٹ کا بنیادی مقصد یہی ہے کہ انٹرنیشنل کرکٹ اور ڈومیسٹک کرکٹ کے درمیان جو فرق ہے اسے کم کرنے میں یہ ٹورنامنٹ اپنا کردار ادا کرے۔

(جاری ہے)

یاد رہے کہ چیمپئنز ون ڈے کپ 12ستمبر سے فیصل آباد میں شروع ہورہا ہے جس میں پانچ ٹیمیں حصہ لیں گی۔ ندیم خان نے کہا کہ اس ٹورنامنٹ میں شریک ٹیموں کو ملک میں موجود پانچ اکیڈمیز سے منسلک کردیا گیا ہے۔ ان پانچوں ٹیموں کو بہترین کوچنگ اسٹاف مہیا کیا گیا ہے۔ پی سی بی نے ان ٹیموں کے لئے ہائی پروفائل مینٹورز بھی رکھے ہیں۔انہوں نے کہا کہ آئندہ سال پاکستان کی میزبانی میں ہونے والی چیمپئنز ٹرافی کے پیش نظر اس چیمپئنز کپ کی اہمیت بہت زیادہ ہے کیونکہ اس ٹورنامنٹ سے ہمیں چیمپئنز ٹرافی کے لئے اچھے کھلاڑی مل سکیں گے۔

ندیم خان نے کہا کہ وائٹ بال ہیڈ کوچ گیری کرسٹن بھی چیمپئنز کپ کے دوران موجود ہونگے کیونکہ انہوں نے اس سے قبل پاکستان میں کام نہیں کیا ہے لہذا انہیں خود اپنی نظروں کے سامنے کھلاڑیوں کو کھیلتا دیکھنے کا موقع ملے گا اور انہیں بینچ اسٹرینتھ اور مستقبل کے کھلاڑیوں کے بارے میںنپتہنچلنسکینگا ،ندیم خان نے کہا کہ پہلے مرحلے میں ہماری توجہ پاکستان مینز ٹیم ہے جس کے بعد ویمنز اور انڈر 19 ٹیم کو بھی ایک اکیڈمی سے منسلک کردیا جائے گا۔

ہمارا مقصد یہ ہے ہمارے کھلاڑیوں کو ان پانچ بہترین اکیڈمیز میں ٹریننگ کی سہولتیں مل سکیں۔ انہوں نے کہا کہ ہمارا کرکٹ کا ڈھانچہ کلب کرکٹ سے شروع ہوتا ہے اور پھر وہ ڈسٹرکٹ اور ریجن سے ہوتا ہوا اوپر تک آتا ہے جس میں پاکستان شاہینز شامل ہے۔ مقصد یہی ہیکہ ٹیلنٹ ضائع نہ ہو۔ انہوں نے کہا کہ فیصل آباد میں جب بھی کرکٹ ہوتی ہے بہت زیادہ کراؤڈ آتا ہے۔ اقبال اسٹیڈیم کی حالت بھی بہت بہترکی گئینہین۔