فیصل آباد میں 5 چیمپئنز میں زوردار مقابلے شروع

فیصل آباد(اُردو پوائنٹ اخبارتازہ ترین - این این آئی۔ 12 ستمبر2024ء) فیصل آباد میں 5 چیمپئنز میں زوردار مقابلے شروع ہو گئے ۔ اقبال سٹیڈیم میں بحریہ ٹان چیمپئنز کپ کا میلہ سج گیا۔کرکٹ کے شائقین پر جوش، 5ٹیمیں آمنے سامنے۔چیئرمین پی سی بی محسن نقوی نے بحریہ ٹائون چیمپئنز کپ کی تمام ٹیموں اور کھلاڑیوں کے لئے نیک تمنائوں کا اظہار کیا ہے۔

(جاری ہے)

چیئرمین پی سی بی محسن نقوی نے کہا کہ چیمپئنز کپ سیڈومیسٹک کرکٹ مضبوط ہو گی اور نئے ٹیلنٹ کو آگے آنے کا موقع ملے گا۔

چیمپئنز کپ کے لئے فیصل آباد کے شہریوں کا جوش و خروش دیکھ کر خوشی ہوئی۔پی سی بی نے میچز کے لئے اچھے انتظامات یقینی بنانے کیلئے ہر ممکن کوشش کی ہے۔شائقین کرکٹ کے لئے بہترین سہولتوں کی فراہمی پر فوکس کیا ہے۔امید ہے کہ شائقین کرکٹ چیمپئنز کپ کے میچز سے محظوظ ہوں گے۔ہماری کوشش ہے کہ فیصل آباد کی طرح دیگر شہروں میں بھی ٹورنامنٹ کا انعقاد کیا جائے اور کرکٹ کے کھیل کو فروغ دیا جائے۔