یوایم ٹی مارخورزنے کامران غلام کی سنچری

فیصل آباد(اُردو پوائنٹ اخبارتازہ ترین - آن لائن۔ 13 ستمبر2024ء) یو ایم ٹی مارخورز نے کامران غلام کی سنچری، عبدالصمد اور افتخار احمد کی نصف سنچریوں اور پھر نسیم شاہ اور عاکف جاوید کی عمدہ بولنگ کی بدولت لیک سٹی پینتھرز کو بحریہ ٹاؤن چیمپئنز ون ڈے کپ کے افتتاحی میچ میں 160 رنز سے شکست دیدی۔ آن لائن کے مطابق اقبال اسٹیڈیم فیصل آباد میں کھیلے گئے اس میچ میں لیک سٹی پینتھرز کے کپتان شاداب خان نے ٹاس جیت کر محمد رضوان کی یو ایم ٹی مارخورز کو پہلے بیٹنگ دی جس نے مقررہ 50 اوورز میں 6 وکٹوں کے نقصان پر 347 رنز بنائے۔

پینتھرز کی ٹیم جواب میں34.5 اوورز میں 187 رنز بناکر آؤٹ ہوگئی۔مارخورز کی اننگز کی خاص بات کامران غلام کی سنچری تھی جنہوں نے 102گیندوں کا سامنا کرتے ہوئی12 چوکوں اور 3 چھکوں کی مدد سے 115 رنز اسکور کیے۔

(جاری ہے)

یہ لسٹ اے ون ڈے میں ان کی ساتویں سنچری ہے۔فخر زمان کے 17 اور محمد فیضان کے 34 رنز پر آؤٹ ہونے کے بعد کامران غلام نے کپتان محمد رضوان کے ساتھ تیسری وکٹ کی شراکت میں 133 رنز کا اضافہ کیا۔

رضوان تین چھکوں کی مدد سے 45 رنز بناکر آؤٹ ہوئے۔کامران غلام اور افتخار احمد کے درمیان پانچویں وکٹ کی شراکت میں 62 رنز بنے۔افتخار احمد نی7 چوکوں اور ایک چھکے کی مدد سے 57 رنز ناٹ آؤٹ اسکور کییاور عبدالصمد کے ساتھ چھٹی وکٹ کی شراکت میں 87 رنز کا اضافہ کیا۔ عبدالصمد نے جارحانہ انداز میں بیٹنگ کرتے ہوئے صرف 25 گیندوں پر 62 رنز بنائے جس میں6 چھکے اور4 چوکے شامل تھے۔

پینتھرز کی طرف سے مبصرخان اور محمد حسنین دو دو وکٹیں حاصل کرنے میں کامیاب ہوسکے۔پینتھرز نے 348 رنز کے ہدف کے تعاقب میں اننگز شروع کی تو عاکف جاوید اور نسیم شاہ کی بولنگ نے اسے کسی بھی موقع پر سنبھلنے کا موقع نہیں دیا۔ عبدالواحد بنگلزئی 4 صائم ایوب 20، اذان اویس ایک عثمان خان 8، حیدرعلی 2 اور کپتان شاداب خان 4 رنز بناکر آؤٹ ہوئے۔ دسویں اوور کے اختتام پر پینتھرز کی 6 وکٹیں صرف52 رنز پر گرچکی تھیں۔

عماد بٹ نی9 چوکوں اور 3 چھکوں کی مدد سی72 رنز اسکور کیے۔ انہوں نے مبصرخان (33 رنز) کے ساتھ 59 رنز کا اضافہ کیا جبکہ اسامہ میر(21 رنز) کے ساتھ بھی59 رنز کی شراکت قائم کی تاہم ان کی کوشش ناکافی ثابت ہوئی۔نسیم شاہ نے 27 رنز دے کر3 وکٹیں حاصل کیں۔ عاکف جاوید نے 43 رنز دے کر 3 کھلاڑی آؤٹ کیے۔نورنامنٹ کا دوسرا میچ جمعہ کو محمد حارث کی الائیڈ بینک اسٹالیئنز اور شاہین آفریدی کی نورپور لائنز کے درمیان کھیلا جائے گا۔