جنوبی افریقا اور بھارت کی کرکٹ ٹیموں کے درمیان تیسرا ٹی ٹونٹی میچ بدھ کو کھیلا جائے گا

سنچورین (اُردو پوائنٹ اخبارتازہ ترین - اے پی پی۔ 12 نومبر2024ء) جنوبی افریقا اور بھارت کی کرکٹ ٹیموں کے درمیان چار ٹی ٹونٹی بین الاقوامی میچوں پر مشتمل سیریز کا تیسرا میچ کل (بدھ کو) سپر سپورٹس پارک،سنچورین کے مقام پر کھیلا جائے گا۔ یہ میچ نائٹ ہوگا اور فلڈ لائٹس کی روشنی میں کھیلا جائے گا۔ دونوں ٹیموں کے درمیان سیریز 1-1 سے برابر ہے ۔ بھارت نے پہلے میچ میں میزبان پروٹیز ٹیم کو 61 رنز سے شکست دی تھی ، دوسرے میچ میں جنوبی افریقا کی ٹیم نے بھارت کو 3 وکٹوں سے ہرا کر سیریز 1-1 سے برابر کر دی تھی۔

بھارتی کرکٹ ٹیم ان دنوں جنوبی افریقا کے دورہ پر ہے ، جہاں اس نے میزبان پروٹیز ٹیم کے خلاف چار بین الاقوامی ٹی ٹونٹی میچوں کی سیریز کھیلنی ہے جس کے دو میچز کھیلے جا رہے ہیں۔

(جاری ہے)

بھارتی ٹیم کی قیادت سوریا کماریادیو کریں گے ۔ جنوبی افریقا کی ٹیم ایڈن مارکرم کی قیادت میں میدان میں اترے گی۔بھارت اور جنوبی افریقا کی ٹیموں کے درمیان 4 ٹی ٹونٹی کرکٹ میچوں کی سیریز کاتیسرا ٹی ٹونٹی میچ کل بدھ کو سپر سپورٹس پارک،سنچورین میں کھیلا جائے گا،یہ میچ نائٹ ہوگا اور فلڈ لائٹس کی روشنی میں کھیلا جائے گاجبکہ چوتھا اور آخری ٹی ٹونٹی میچ 15 نومبر کو وانڈررز سٹیڈیم، جوہانسبرگ میں کھیلا جائے گا،یہ میچ نائٹ ہوگا اور فلڈ لائٹس کی روشنی میں کھیلا جائے گا۔