پاکستان کرکٹ ٹیم ٹی ٹونٹی سیریز کھیلنے کے لئے برسبین پہنچ گئی، آسٹریلیا کے خلاف تین میچوں کی سیریز کا آغاز 14نومبر کو پہلے میچ سے ہوگا

برسبین (اُردو پوائنٹ اخبارتازہ ترین - اے پی پی۔ 12 نومبر2024ء) پاکستان کی کرکٹ ٹیم ٹی ٹونٹی سیریز کھیلنے کے لئے برسبین پہنچ گئی ۔آسٹریلیا اور پاکستان کی کرکٹ ٹیموں کے درمیان تین ٹی ٹونٹی انٹرنیشنل میچوں پر مشتمل سیریز کا پہلا میچ 14 نومبر کو دی گابا ،برسبین میں کھیلا جائے گا۔ٹی ٹونٹی سیریز میں پاکستان ٹیم کی قیادت مایہ ناز وکٹ کیپر بلے باز محمد رضوان کریں گے جبکہ میزبان آسٹریلوی ٹیم کو جوش انگلس لیڈ کریں گے۔

پاکستان کی کرکٹ ٹیم ان دنوں دورہ آسٹریلیا پر ہے جہاں وہ میزبان ٹیم کے خلاف تین ون ڈے میچوں کی سیریز کھیل چکی ہےجس میں گرین شرٹس نے کینگروز کو 1-2 سے شکست دی تھی۔پاکستان نے 22 سال بعد آسٹریلیا کو اس کے ہوم گراؤنڈ پر ون ڈے سیریز میں شکست دی۔آسٹریلیا نےپاکستان کو پہلے ون ڈے میچ میں 2 وکٹوں سے شکست دی تھی، جس کے بعد پاکستان نے دوسرے ون ڈے میچ میں آسٹریلیا کو 9 وکٹوں سے شکست دے کر سیریز 1-1 سے برابر کر دی اور پھر تیسرے ون ڈے میچ میں 8 وکٹوں سے ہر اکر سیریز 1-2 سے اپنے نام کرلی۔

(جاری ہے)

پاکستان کی ٹیم نے 22 سال کے بعد آسٹریلیا کو اس کی سرزمین پر کسی ون ڈے سیریز میں شکست دی تھی۔پاکستان کی ٹیم نے ون ڈے سیریز کے علاوہ تین ٹی ٹونٹی بین الاقوامی میچوں کی سیریز بھی کھیلنی ہے جس کے لئے پاکستان کی ٹیم برسبین پہنچے گی جہاں تین ٹی ٹونٹی میچوں کی سیریز کا پہلا میچ 14 نومبر کو کھیلا جائے گا۔ دوسرا ٹی ٹونٹی میچ 16 نومبر کو سڈنی کرکٹ گرائونڈجبکہ تیسرا اور آخری ٹی ٹونٹی میچ 18 نومبر کو بیلریو اوول ہوبارٹ میں کھیلا جائے گا۔ٹی ٹونٹی سیریز کے تینوں میچز نائٹ ہوں گے اور فلڈلائٹس کی روشنی میں کھیلے جائیں گے۔\932