خیبر پختونخوا جونیئر سکواش چیمپئن شپ پشاور میں شروع

پشاور(اُردو پوائنٹ اخبارتازہ ترین - این این آئی۔ 05 دسمبر2024ء)خیبرپختونخوا سکواش ایسوسی ایشن کے زیر اہتمام کے پی جونیئر بوائز انڈر 9، 13، 15، اور گرلز انڈر 13 سکواش چیمپئن شپ گزشتہ روز قیوم سٹیڈیم پشاور میں قمر زمان سکواش کمپلیکس میں شروع ہو گئی ‘پانچ روزہ ایونٹ میںپورے کے پی سے 128 سے زیادہ باصلاحیت کھلاڑی شرکت کررہے ہیں‘پبلک ہیلتھ انجینئرنگ ڈیپارٹمنٹ کے سیکرٹری اور کے پی سکواش ایسوسی ایشن کے صدر داو ٴد خان افتتاحی تقریب کے مہمان خصوصی تھے۔

(جاری ہے)

ان کے ہمراہ لیجنڈ سابق ورلڈ چیمپئن قمر زمان، اے آئی پی ایس کے سیکرٹری جنرلامجد عزیز ملک، سکواش لیجنڈ محب اللہ خان، سینئر کوچ اور چیف آرگنائزر منور زمان‘سینئر کوچ، طاہر اقبال، امجد خان اور فنانس سیکرٹری وزیر محمدشامل ہیں۔صوبائی سکواش ایسوسی ایشن کے صدر داو ٴد خان نے کہا کہ ایج گروپ کے کھلاڑیوں کے مقابلوں کے انعقاد کا مقصد نئے کھلاڑیوں کو آگے آنے کے مواقع فراہم کرنا ہیں یہی کھلاڑی مستقبل میں پوری دنیا میں ملک و قوم کا نام روشن کریں گے۔