چیمپئنز ٹرافی تنازع: پی سی بی کا معاملات ’ہوسٹ ایگریمینٹ‘ میں درج کرنے کا مطالبہ

سال 2027ء تک پاکستان بھی بھارت میں آئی سی سی ٹورنامنٹ نہیں کھیلے گا، رپورٹس

ذیشان مہتاب جمعہ 6 دسمبر 2024 11:53

چیمپئنز ٹرافی تنازع: پی سی بی کا معاملات ’ہوسٹ ایگریمینٹ‘ میں درج کرنے کا مطالبہ

لاہور (اردو پوائنٹ تازہ ترین اخبار ۔ 6 دسمبر 2024ء ) پاکستان کرکٹ بورڈ (پی سی بی) نے آئی سی سی چیمپئنز ٹرافی کے معاملے پر پاک بھارت بورڈز کے درمیان ہونیوالے معاملات کو ہوسٹ ایگریمینٹ میں درج کرنے کا مطالبہ کردیا۔

میڈیا رپورٹس کے مطابق پی سی بی حکام نے پاکستان اور بھارت کے درمیان طے معاملات کو ہوسٹ ایگریمینٹ میں درج کیا جائے۔ آئی سی سی کے ایونٹس کے معاملات میں انٹرنیشنل کرکٹ کونسل (آئی سی سی) فورم پر ہی حل ہوں گے۔

(جاری ہے)

واضح رہے کہ بھارتی میڈیا نے گزشتہ روز رپورٹ کیا تھا کہ ہائبرڈ ماڈل کے تحت بھارتی بورڈ (بی سی سی آئی) نے 2027ء تک ہندوستان میں ہونیوالے والے ایونٹس کیلئے پاکستان کا مطالبہ تسلیم کیا ہے کہ وہ بھی بھارت جاکر میچز نہیں کھیلے گا۔

اس طرح چیمپئنز ٹرافی میں بھارت اور 2026ء کے ٹی ٹونٹی ورلڈکپ میں پاکستان اپنے میچز نیوٹرل وینیو پر کھیلے گا۔

بھارتی میڈیا کے دعوے پر انٹرنیشنل کرکٹ کونسل (آئی سی سی)، بھارتی کرکٹ بورڈ (بی سی سی آئی) اور پی سی بی نے کوئی ردعمل نہیں دیا ہے۔

وقت اشاعت : 06/12/2024 - 11:53:01