جو کام پاکستان کے عظیم باولرز بھی نہ کر سکے، شاہین آفریدی نے وہ کر دکھایا

شاہین آفریدی تینوں فارمیٹس میں 100وکٹیں لینے والے پہلے پاکستانی بائولر بن گئے، پیسر نے جنوبی افریقہ کیخلاف پہلے ٹی ٹونٹی میں اس فارمیٹ میں 100 وکٹیں مکمل کیں

ذیشان مہتاب منگل 10 دسمبر 2024 22:41

جو کام پاکستان کے عظیم باولرز بھی نہ کر سکے، شاہین آفریدی نے وہ کر دکھایا

لاہور (اردو پوائنٹ تازہ ترین اخبار ۔ 10 دسمبر 2024ء ) پاکستان کرکٹ ٹیم کے فاسٹ بولر شاہین آفریدی نے ٹی ٹونٹی انٹرنیشنلز میں 100 وکٹیں مکمل کرلیں۔

24 سالہ شاہین آفریدی نے یہ سنگ میل ڈربن میں جنوبی افریقا کے خلاف پہلے ٹی ٹونٹی میچ میں عبور کیا۔ وہ مینز ٹی ٹونٹی انٹرنیشنلز میں 100 وکٹیں لینے والے تیسرے پاکستانی ہیں۔

(جاری ہے)

بائیں ہاتھ کے فاسٹ بولر شاہین آفریدی انٹرنیشنل کرکٹ کے تینوں فارمیٹس میں 100، 100 وکٹیں لینے والے پہلے پاکستانی بن گئے ہیں۔

شاہین نے ون ڈے کرکٹ میں اب تک 112 اور ٹیسٹ کرکٹ میں 116 وکٹیں حاصل کی ہیں۔

واضح رہے کہ پاکستان کی جانب سے حارث رؤف اور شاداب خان بھی ٹی ٹونٹی انٹرنیشنلز میں 100 وکٹیں حاصل کرچکے ہیں۔

وقت اشاعت : 10/12/2024 - 22:41:28