شاہین شاہ آفریدی نے بھارتی باولرجسپریت بمراہ کو پیچھے چھوڑ دیا

تینوں فارمیٹس میں 100 وکٹیں مکمل کرنے والے محض چوتھے بائولر بن گئے

ذیشان مہتاب بدھ 11 دسمبر 2024 11:47

شاہین شاہ آفریدی نے بھارتی باولرجسپریت بمراہ کو پیچھے چھوڑ دیا

لاہور (اردو پوائنٹ تازہ ترین اخبار ۔ 11 دسمبر 2024ء ) ٹی ٹونٹی، ون ڈے اور ٹیسٹ میں 100 وکٹیں حاصل کرنا کسی بھی بولر کے لئے بڑے اعزاز سے کم نہیں ہے، سری لنکا، بنگلہ دیش، نیوزی لینڈ کے بعد پاکستانی پیسر شاہین شاہ آفریدی کو بھی یہ اعزاز حاصل ہوگیا ۔

تفصیلات کے مطابق کرکٹ کے تینوں فارمیٹ میں سب سے پہلے 100 وکٹیں حاصل کرنے والے سری لنکا کے لاستھ ملنگا ہیں جن کے پاس یہ ریکارڈ تھا، اُس کے بعد بنگلہ دیش کے شکیب الحسن اور نیوزی لینڈ کے سابق کپتان ٹم ساؤتھی نے یہ کارنامہ سرانجام دیا، اب اس فہرست میں پاکستان کے فاسٹ بولر شاہین شاہ آفریدی بھی شامل ہوچکے ہیں، وہ واحد پاکستانی بولر ہیں جنہوں نے ٹی ٹونٹی میں 100، ون ڈے میں 112 اور ٹیسٹ میں 116 وکٹیں حاصل کیں۔

شاہین شاہ آفریدی نے جنوبی افریقہ کے خلاف کھیلے گئے پہلے ٹی ٹونٹی میچ میں یہ کارنامہ انجام دیا، شاہین نے چار اوور میں 22 رنز کے عوض 3 کھلاڑیوں کو آوٹ کیا، شاہین نے کھیل کے پہلے اوور میں رسی وین ڈرڈسن کو آؤٹ کیا، پھر40 گیندوں پر 82 رنز بنانے والے ڈیوڈ ملر کو اور آخر میں Nqabayomzi پیٹر کی وکٹ حاصل کی۔

(جاری ہے)

بھارت کے جسپریت بمراہ جو ٹیسٹ کرکٹ میں نمبر ون بولر ہیں وہ تاحال اس اعزاز سے محروم ہیں، بمراہ کی ٹیسٹ میں 185، ون ڈے میں 149 اور ٹی ٹوئنٹی میں 89 وکٹیں ہیں۔

وقت اشاعت : 11/12/2024 - 11:47:19