حارث رؤف کوعمدہ کارکردگی کی بدولت آئی سی سی پلیئر آف دی منتھ قراردے دیا گیا

دبئی (اُردو پوائنٹ اخبارتازہ ترین - اے پی پی۔ 11 دسمبر2024ء) پاکستان کی مردوں کی کرکٹ ٹیم کے مایہ ناز فاسٹ بائولر حارث رؤف کو آئی سی سی پلیئر آف دی منتھ قرار دے دیا گیا۔

(جاری ہے)

آئی سی سی پلیئر آف دی منتھ کے لیے بھارت کے جسپریت بمرا اور جنوبی افریقا کے مارکو ینیسن کی بھی نامزدگی ہوئی تھی تاہم پاکستان کے مایہ ناز فاسٹ بائولر حارث رؤف آئی سی سی پلیئر آف دی منتھ قرار پائے ہیں۔

حارث رؤف کو گزشتہ ماہ کی شاندار کارکردگی کی بنیاد پر پلیئر آف دی منتھ قرار دیا گیا ہے۔ 31 سالہ فاسٹ بائولر بائولر حارث رؤف نے آسٹریلیا کے خلاف 3 ون ڈے میچز میں 10 وکٹیں حاصل کی تھیں۔واضح رہے کہ پاکستان نے آسٹریلیا کے خلاف 22 برسوں کے بعد ون ڈے سیریز جیتی تھی، بائولر حارث رؤف نے نومبر میں مجموعی طور پر 18 وکٹیں حاصل کیں۔