بابر اعظم تیز ترین 11 ہزار ٹونٹی ٹونٹی رنز کا مکمل کرنے والے بیٹر بن گئے

قومی ٹیم کے سابق کپتان نے یہ سنگ میل 298 اننگز میں عبور کیا

ذیشان مہتاب جمعہ 13 دسمبر 2024 21:55

بابر اعظم تیز ترین 11 ہزار ٹونٹی ٹونٹی رنز کا مکمل کرنے والے بیٹر بن گئے

لاہور (اردو پوائنٹ تازہ ترین اخبار ۔ 13 دسمبر 2024ء ) پاکستان کے بیٹر بابر اعظم نے ٹی ٹونٹی کرکٹ میں نئی تاریخ رقم کردی۔

بابر اعطم نے ٹی ٹوبابر اعظم تیز ترین 11 ہزار ٹی ٹونٹی رنز کا مکمل کرنے والے بیٹر بن گئے، قومی ٹیم کے سابق کپتان نے یہ سنگ میل 298 اننگز میں عبور کیا۔

پاکستانی بیٹر نے یہ سنگ میل جنوبی افریقا کے خلاف اننگ میں 11 واں رن لے کر مکمل کیا۔

بابر اعظم 300 سے کم اننگز میں یہ کارنامہ انجام دینے والے دنیا کے پہلے بیٹر بن گئے۔ بابر اعظم نے 11 ہزار ٹی ٹونٹی رنز کا سنگ میل 298 اننگز میں عبور کیا۔

(جاری ہے)

اس سے قبل ویسٹ انڈیز کے کرس گیل نے 314 اننگز میں 11 ہزار ٹی ٹونٹی رنز مکمل کیے تھے۔ بابر اعظم 7 ہزار، 9 ہزار اور 10 ہزار رنز بھی کم سے کم اننگز میں مکمل کرنے کا ریکارڈ رکھتے ہیں۔ بابر اعظم ٹی ٹونٹی میں 11 ہزار رنز مکمل کرنے والے دوسرے پاکستانی اور مجموعی 11ویں کھلاڑی ہیں، بابر سے قبل کرس گیل، شعیب ملک، کیرون پولارڈ، ایلکس ہیلز اور ویرات کوہلی ہہ کارنامہ انجام دے چکے ہیں۔

ڈیوڈ وارنر، جوز بٹلر، روہت شرما، ایرون فنچ اور جیمز وینس بھی ٹی ٹوئنٹی میں گیارہ ہزار رنز مکمل کرچکے ہیں۔

بابر اعظم نے اننگز کے دوران پروفیشنل کرکٹ کے 26 ہزار رنز بھی مکمل کرلیے۔

وقت اشاعت : 13/12/2024 - 21:55:47