آسٹریلین اوپن، برطانوی ٹینس سٹار ایما راڈوکانو کا ویمنزسنگلز میں فاتحانہ آغاز

منگل 14 جنوری 2025 15:04

میلبورن (اُردو پوائنٹ اخبارتازہ ترین - اے پی پی۔ 14 جنوری2025ء) آسٹریلین اوپن کے پہلے رائونڈ میں برطانوی خاتون ٹینس سٹار ایما راڈوکانو نے روسی حریف کھلاڑی اکاترینا الیگزینڈروا کو خواتین کے سنگلز مقابلے میں شکست دے کر فاتحانہ آغاز کیا۔

(جاری ہے)

میلبورن میں ہونے والے گرینڈ سلام ایونٹ کے پہلے رائونڈ میں ایما راڈوکانو نے روسی حریف کھلاڑی اکاترینا الیگزینڈروا کو ٹائی بریک پر سٹریٹ سیٹس میں 6-7(4-7)اور 6-7(2-7) سے شکست دے کر دوسرے رائونڈ کے لئے کوالیفائی کیا۔

22 سالہ برٹش ٹینس سٹار کی تین سرجریز ہوچکی ہیں اس کے باوجود برطانوی نمبر ٹو ٹینس سٹار ایما راڈوکانونے آسٹریلین اوپن2025 میں ویمنز سنگلز مقابلوں کا فاتحانہ آغار کرتے ہوئے دوسرے رائونڈ کے لئے کوالیفائی کرلیا ۔یو ایس اوپن کی فاتح ایماراڈوکانو خواتین کے سنگلز مقابلوں کی عالمی درجہ بندی میں 61 ویں نمبر پر ہیں ۔ایما راڈوکانو کا ویمنز سنگلز دوسرے رائونڈ میں مقابلہ امریکی حریف کھلاڑی آمندا انسیمووا سے ہوگا۔
وقت اشاعت : 14/01/2025 - 15:04:03

متعلقہ عنوان :