پی سی بی لیول 2 کوچنگ کورس شروع ہو گیا

چھ ٹیسٹ کرکٹرز اور دو انٹرنیشنل کرکٹرز چھ روزہ کورس میں شریک ہیں

منگل 14 جنوری 2025 17:00

پی سی بی لیول 2 کوچنگ کورس شروع ہو گیا
لاہور(اُردو پوائنٹ اخبارتازہ ترین - این این آئی۔ 14 جنوری2025ء)پی سی بی لیول 2 کوچنگ کورس شروع ہو گیا جس میںچھ ٹیسٹ کرکٹرز اور دو انٹرنیشنل کرکٹرز چھ روزہ کورس میں شریک ہیں۔لاہور کی نیشنل کرکٹ اکیڈمی میں شروع ہونے والالیول 2 کوچنگ کورس 19 جنوری کو اختتام پذیر ہوگا۔

(جاری ہے)

ٹیسٹ کرکٹرز میں اظہر علی، بلاول بھٹی ،نوید لطیف ، شاداب خان ،وہاب ریاض اور یاسر شاہ بھی چھ روزہ کورس میں حصہ لے رہے ہیں جبکہ پاکستان کے انٹرنیشنل کھلاڑی اسد علی اور پاکستان ویمنز ٹیم کی سابق کپتان بسمہ معروف بھی اس کورس کے شرکا ء میں شامل ہیں۔

کورس میں حصہ لینے والوں کو ایڈوانس کوچنگ کی مہارتیں سکھائی جائیں گی جس میں پاور ہٹنگ، جدید تکنیک اور کھیل کے ٹیکٹیکل پہلو شامل ہیں۔ اس کورس میں کمیونیکیشن اسکلز پر بھی کام ہوگا اور کھلاڑیوں کی ذہنی اور جسمانی طاقت سے متعلق کام کے ساتھ ساتھ جدید دور کی گیم پلاننگ اور اس پر عمل کرنے کا طریقہ بھی شامل ہوگا۔
وقت اشاعت : 14/01/2025 - 17:00:37