چیمپئنز ٹرافی کیلئے قومی ٹیم کے اعلان کے بعد امام الحق کی معنی خیز پوسٹ سامنے آگئی

امام الحق ون ڈے اسکواڈ کے لیے امیدوار سمجھے جا رہے تھے ،اسکواڈ میں شامل نہیں کیا گیا

ہفتہ 1 فروری 2025 19:11

چیمپئنز ٹرافی کیلئے قومی ٹیم کے اعلان کے بعد امام الحق کی معنی خیز پوسٹ سامنے آگئی
اسلام آباد (اُردو پوائنٹ اخبارتازہ ترین - این این آئی۔ 01 فروری2025ء)چیمپئنز ٹرافی کیلئے قومی ٹیم کے اعلان کے بعد امام الحق کی معنی خیز پوسٹ سامنے آگئی۔اپنی ٹوئٹ میں امام الحق نے کہاکہ نتیجہ میری توقع کے مطابق نہیں ہے لیکن سفر ابھی ختم نہیں ہوا یہی زندگی ہے۔انہوں نے کہا کہ سب کچھ یہی ہے کہ ہر مشکل کے ساتھ آگے بڑھنا ہے اور خود کو مضبوط بنانا ہے اورسب سے اہم صبر اور اللہ پر بھروسہ ہے۔

(جاری ہے)

امام الحق نے چیمپئنز ٹرافی کے لیے قومی ٹیم کے اعلان کے بعد سوشل میڈیا پر پیغام لکھا، امام الحق ون ڈے اسکواڈ کے لیے امیدوار سمجھے جا رہے تھے لیکن انہیں اسکواڈ میں شامل نہیں کیا گیا۔خیال رہے کہ پاکستان کے 15 رکنی اسکواڈ میں بیٹرز بابر اعظم، فخر زمان، کامران غلام، سعود شکیل، اور طیب طاہر شامل ہیں جبکہ آل راؤنڈرز میں فہیم اشرف، خوشدل شاہ اور سلمان علی آغا (نائب کپتان) اسکواڈ کا حصہ ہیں۔15 رکنی اسکواڈ میں وکٹ کیپر بیٹرز محمد رضوان (کپتان) اور عثمان خان بھی شامل ہیں۔بولرز میں اسپنر ابرار احمد اور فاسٹ بولرز حارث رؤف، محمد حسنین، نسیم شاہ اور شاہین شاہ آفریدی کو شامل کیا گیا ہے۔
وقت اشاعت : 01/02/2025 - 19:11:35