چیمپئنز ٹرافی، آسٹریلین کپتان اور اہم ترین فاسٹ بائولر ٹورنامنٹ سے باہر ہوگئے

کرکٹ آسٹریلیا سری لنکا کے خلاف ٹیسٹ سیریز کے اختتام پر اسکواڈ کو حتمی شکل دے گا

ذیشان مہتاب جمعرات 6 فروری 2025 14:59

چیمپئنز ٹرافی، آسٹریلین کپتان اور اہم ترین فاسٹ بائولر ٹورنامنٹ سے باہر ہوگئے

لاہور (اردو پوائنٹ تازہ ترین اخبار ۔ 6 فروری 2025ء ) آئی سی سی چیمپئنز ٹرافی سے آسٹریلوی کپتان پیٹ کمنز باہر ہو گئے۔

واضح رہے کہ آسٹریلوی ٹیم کے کپتان پیٹ کمنز ٹخنے کی انجری سےصحتیاب نہیں ہو سکے۔

(جاری ہے)

خیال رہے کہ فاسٹ بولر جوش ہیزل ووڈ بھی اسکواڈ سے باہر ہو گئے ہیں، جوش ہیزل کو کولہے میں تکلیف کا سامنا ہے اور ری ہیب کے لیے ان کو ابھی وقت درکار ہے جبکہ مارکوس اسٹوئنس نے آج ہی ون ڈے کرکٹ سے ریٹائرمنٹ کا اعلان کردیا ہے اور آل راؤنڈر میچل مارش پہلے ہی فٹنس مسائل کے باعث اسکواڈ سے باہر ہو چکے ہیں۔

اس صورتحال کے بعد اب آسٹریلیا کو چیمپئنز ٹرافی کے ابتدائی اسکواڈ میں چار تبدیلیاں کرنا پڑ گئیں ہیں۔

اس بارے میں چیف سلیکٹر جارج بیلے کا کہنا ہے کہ بدقسمتی سے پیٹ کمنز، جوش ہیزل ووڈ اور میچل مارش کو انجریز کا سامنا ہے اور چیمپئنز ٹرافی سے قبل یہ کھلاڑی مکمل فٹ نہیں ہو سکے۔

کرکٹ آسٹریلیا سری لنکا کے خلاف ٹیسٹ سیریز کے اختتام پر اسکواڈ کو حتمی شکل دے گا۔

وقت اشاعت : 06/02/2025 - 14:59:07