پہلی منی میراتھن دوڑ 9 فروری کو راولپنڈی میں منعقد ہو گی

جمعہ 7 فروری 2025 19:11

راولپنڈی (اُردو پوائنٹ اخبارتازہ ترین - اے پی پی۔ 07 فروری2025ء) وزیر اعلیٰ پنجاب مریم نواز کی ہدایت پر پہلی منی میراتھن دوڑ 9 فروری کو راولپنڈی میں منعقد ہو گی ۔ میراتھن ریس کے انتظامات کو حتمی شکل دے دی گئی ہے ۔

(جاری ہے)

سپورٹس ڈیپارٹمنٹ راولپنڈی کی طرف سے جاری کردہ تفصیلات کے مطابق میراتھن ریس لیاقت باغ سپورٹس کمپلیکس سے شروع ہو کر نواز شریف پارک مری روڈ پر اختتام پذیر ہو گی۔6کلو میٹر پر مشتمل ریس میں 2ہزار سے زائد ایتھلیٹس کی شرکت متوقع ہے جو اوپن، انڈر 19 اور ففٹی پلس کیٹیگریز میں حصہ لیں گے۔ میراتھن ریس صبح 9بجے شروع ہو گی جبکہ اختتامی تقریب دن 11بجے منعقد ہو گی۔ ریس میں نمایاں پوزیشن حاصل کرنے والے کھلاڑیوں میں 3 لاکھ 40 ہزار روپے انعامی رقم تقسیم کی جائے گی ۔

وقت اشاعت : 07/02/2025 - 19:11:13