نیوزی لینڈ کے کھلاڑی راچن رویندرا خوشدل شاہ کا کیچ پکڑنے کی کوشش میں زخمی

رویندر اپنے چہرے پر تولیہ رکھے ہوئے فوراً میدان سے باہر چلے گئے

ذیشان مہتاب ہفتہ 8 فروری 2025 22:39

نیوزی لینڈ کے کھلاڑی راچن رویندرا خوشدل شاہ کا کیچ پکڑنے کی کوشش میں زخمی

لاہور (اردو پوائنٹ تازہ ترین اخبار ۔ 8 فروری 2025ء ) پاکستان اور نیوزی لینڈ کے درمیان سہ فریقی سیریز کے پہلے میچ کے دوران کیوی کھلاڑی راچن رویندرا گیند لگنے سے زخمی ہوگئے۔

رپورٹ کے مطابق راچن رویندرا نے پاکستانی اننگز کے 38ویں اوور میں خوش دل شاہ کے اسٹریٹ شاٹ پر کیچ پکڑنے کی کوشش کی لیکن گیند ان کے چہرے پر جا لگی۔

(جاری ہے)

گیند لگنے کے بعد رچن رویندرا کے چہرے سے خون نکل آیا اور انہیں فوراً میدان سے باہر لے جایا گیا۔

ان کی چوٹ کے مدنظر سٹریچر میدان میں لایا گیا اور پاکستانی فزیو نے اس کی مدد کی۔ چوٹ لگنے کے باوجود رویندرا بہادری کا مظاہرہ کرتے ہوئے کھڑے ہوئے اور کرائوڈ سے داد حاصل کرتے ہوئے اپنے پیروں پر چل کر میدان سے باہر چلے گئے۔

وقت اشاعت : 08/02/2025 - 22:39:36