نیشنل ویمنز کرکٹ ٹیم تربیتی کیمپ، پریکٹس میچ میں ٹیم فاطمہ ثنا نے ٹیم منیبہ کو ہرا دیا

فیصل آباد (اُردو پوائنٹ اخبارتازہ ترین - اے پی پی۔ 08 فروری2025ء) فیصل آباد میں نیشنل ویمنز کرکٹ ٹیم تربیتی کیمپ کے دوران پریکٹس میچ میں ٹیم فاطمہ ثنا نے ٹیم منیبہ کو ہرا دیا۔ تفصیلات کے مطابق ویمنز کرکٹ ٹیم کی کھلاڑیوں کا اقبال سٹیڈیم فیصل آباد میں تربیتی کیمپ جاری ہے۔خواتین کھلاڑیوں کی ٹیم منیبہ اور ٹیم فاطمہ ثناء کے درمیان پریکٹس میچ کھیلا گیا۔

ٹیم فاطمہ ثنا نے ٹیم منیبہ کو پریکٹس میچ میں ہرا دیا۔ٹیم منیبہ نے ٹاس جیت کر پہلے بیٹنگ کی۔ٹیم منیبہ نے پہلے بیٹنگ کرتے ہوئے 45.5 اوورز میں پر 189 رنز بنائے،جواب میں ٹیم فاطمہ ثناء نے مطلوبہ ہدف حاصل کر لیا، ہیڈ کوچ محمد وسیم کی نگرانی میں خواتین کھلاڑیوں نے فزیکل ٹریننگ کی۔پی سی بی کی 16 سینٹرل کنٹریکٹ یافتہ خواتین کرکٹرز سمیت کل 31 کھلاڑی تربیتی کیمپ میں حصہ لے رہی ہیں جس میں فٹنس ٹریننگ، مہارت میں اضافہ اور فروری کے مہینے میں 50 اوورز کے سات پریکٹس میچز کے باقاعدہ سیشنز شامل ہیں۔

(جاری ہے)

پاکستان میگا ایونٹ کے لیے کوالیفائی کرنے کے لیے بنگلہ دیش، آئرلینڈ، اسکاٹ لینڈ، تھائی لینڈ اور ویسٹ انڈیز کے ساتھ آئی سی سی ویمنز ورلڈ کپ 2025 کوالیفائرز میں شرکت کرے گا۔ ٹورنامنٹ کی فائنلسٹ ٹیمیں آٹھ ٹیموں کے آئی سی سی ویمنز ورلڈ کپ کے لیے آئی سی سی ویمنز چیمپئن شپ 2022-25 کی ٹاپ چھ ٹیموں میں شامل ہوں گی۔ کیمپ کے کھلاڑیوں کی فہرست میں( بیٹرز )عالیہ ریاض، عائشہ ظفر، ایمن فاطمہ، گل فیروزہ، گل رخ، حفصہ خالد، ارم جاوید، نتالیہ پرویز، صدف شمس، سائرہ جبین، شوال ذوالفقار، اور سدرہ امین، (وکٹ کیپر )منیبہ علی، نجیہہ علوی اور سدرہ نواز ،(آل راؤنڈر ) فاطمہ ثناء، عمیمہ سہیل، رامین شمیم، سیدہ عروب شاہ، اور طوبی حسن (اسپنرز ) غلام فاطمہ، ماہ نور آفتاب، نشرہ سندھو، سعدیہ اقبال، تانیہ سعید، اور ام ہانی ،(فاسٹ بولرز ) ڈیانا بیگ، فاطمہ خان، تسمیہ رباب، وحیدہ اختر اور زیب النساء نیاز شامل ہیں۔