چیمپئنز ٹرافی، آسٹریلوی ٹیم 14 سال بعد اہم کھلاڑیوں کے بغیر آئی سی سی ٹورنامنٹ کھیلے گی

فاسٹ بولر مچل سٹارک بھی چیمپئنز ٹرافی سے دستبردار ، کپتان پیٹ کمنز، جوش ہیزل ووڈ اور مچل مارش پہلے ہی فٹنس مسائل کے باعث باہر ہو چکے ہیں

ذیشان مہتاب بدھ 12 فروری 2025 16:44

چیمپئنز ٹرافی، آسٹریلوی ٹیم 14 سال بعد اہم کھلاڑیوں کے بغیر آئی سی سی ٹورنامنٹ کھیلے گی

کینبرا (اردو پوائنٹ تازہ ترین اخبار ۔ 12 فروری 2025ء ) آسٹریلوی کرکٹ ٹیم کی مشکلات کم ہونے کا نام نہیں لے رہیں، فاسٹ بولر مچل سٹارک بھی آئی سی سی چیمپئنز ٹرافی سے دستبردار ہوگئے۔ مچل سٹارک ذاتی وجوہات کی بنیاد پر 19 فروری سے پاکستان میں شروع ہونے والی چیمپئنز ٹرافی سے دستبردار ہوئے۔

کرکٹ آسٹریلیا کا کہنا ہے کہ مچل سٹارک کے فیصلے کو سپورٹ کرتے ہیں ۔

سٹارک نے میڈیا سے پرائیویسی کی درخواست کی ہے، سٹارک اس حوالے سے کوئی تبصرہ نہیں کریں گے۔

واضح رہے کہ کپتان پیٹ کمنز، فاسٹ بولر جوش ہیزل ووڈ اور مچل مارش پہلے ہی فٹنس مسائل کے باعث چیمپئنز ٹرافی سے باہر ہو چکے ہیں جبکہ آل راؤنڈر مارکوس سٹوئنس نے ون ڈے کرکٹ سے ریٹائرمنٹ لے لی ہے۔

دوسری جانب کرکٹ آسٹریلیا نے چیمپئنز ٹرافی کے لیے حتمی سکواڈ کا اعلان کر دیا ہے۔

(جاری ہے)

سٹیو سمتھ ایونٹ میں آسٹریلیا کی قیادت کریں گے۔ چیمپئنز ٹرافی کیلئے آسٹریلوی اسکواڈ میں کپتان سٹیو سمتھ، شان ایبٹ، الیکس کیری ، بین ڈار شیوس، نیتھن ایلس ، جیک فریزر میکگرک، ایرون ہارڈی، ٹریوس ہیڈ، جوش انگلس اور سپینسر جانسن شامل ہیں۔ اس کے علاوہ مارنوس لبوشین، گلین میکسویل، تنویر سنگھا، میتھیو شارٹ اور ایڈم زمپا بھی سکواڈ کا حصہ ہیں۔

چیئرمین سلیکشن پینل جارج بیلی کا کہنا ہے کہ ابتدائی اسکواڈ میں انجریز اور ریٹائرمنٹ کی وجہ سے متعدد تبدیلیاں کرنا پڑیں۔ ان کھلاڑیوں کو بلایا ہے جنہوں نے گزشتہ 12 ماہ میں اچھی پرفارمنس کا مظاہرہ کیا ہے۔ واضح رہے کہ آئی سی سی چیمپئنز ٹرافی 19 فروری سے پاکستان میں شروع ہوگی۔

وقت اشاعت : 12/02/2025 - 16:44:39

چیمپئنز ٹرافی، آسٹریلوی ٹیم 14 سال بعد اہم کھلاڑیوں کے بغیر آئی سی سی ٹورنامنٹ کھیلے گی

فاسٹ بولر مچل سٹارک بھی چیمپئنز ٹرافی سے دستبردار ، کپتان پیٹ کمنز، جوش ہیزل ووڈ اور مچل مارش پہلے ہی فٹنس مسائل کے باعث باہر ہو چکے ہیں

متعلقہ عنوان :

Browse Cricket

Browse Sports

Sports News In Urdu

Famous Sports Players