آئی سی سی چیئرمین جے شاہ کی پاکستان دشمنی کھل کر سامنے آگئی، شکریہ کے پیغام میں نام نہ لکھا

جے شاہ کے برعکس چیف ایگزیکٹو جیف ایلارڈائس نے اپنے پیغام میں پاکستان کا شکریہ ادا کرتے ہوئے چیمپئنز ٹرافی کے کامیاب انعقاد کو اسکی تاریخی کامیابی قرار دیا

ذیشان مہتاب جمعرات 13 مارچ 2025 11:32

آئی سی سی چیئرمین جے شاہ کی پاکستان دشمنی کھل کر سامنے آگئی، شکریہ کے پیغام میں نام نہ لکھا

دبئی (اردو پوائنٹ تازہ ترین اخبار ۔ 13 مارچ 2025ء ) انٹرنیشنل کرکٹ کونسل (آئی سی سی) کے بھارت سے تعلق رکھنے والے چیئرمین جے شاہ کی پاکستان دشمنی کھل کر سامنے آگئی۔

پاکستان آئی سی سی چیمپئنز ٹرافی 2025ء کا میزبان تھا اور اس کے شاندار انعقاد میں کامیاب رہا۔ تاہم انٹرنیشنل کرکٹ کونسل کے بھارت سے تعلق رکھنے والے چیئرمین جے شاہ سے پاکستان کی یہ کامیابی ہضم نہ ہوئی اور میگا ایونٹ کے بعد اس کے کامیاب انعقاد کے حوالے سے جاری پیغام میں پاکستان دشمنی کا کھل کر مظاہرہ کر دیا۔

جے شاہ کی جانب سے سماجی رابطوں کی ویب سائٹ ایکس پر چیمپئنز ٹرافی کے کامیاب انعقاد کے حوالے سے شکریہ کا پیغام شیئر کیا گیا تاہم اس میں انہوں نے میزبان ملک پاکستان کا نام نہیں لیا۔

(جاری ہے)

آئی سی سی چیئرمین نے اپنے پیغام میں لکھا کہ ’چیمپئنز ٹرافی آئی سی سی کے لیے بڑی کامیاب رہی۔ تمام ٹیموں اور میزبان ملک کا شکریہ ادا کرنا چاہتا ہوں‘۔

جے شاہ کے برعکس آئی سی سی چیئرمین کے برعکس چیف ایگزیکٹو جیف ایلارڈائس نے اپنے پیغام میں پاکستان کا شکریہ ادا کرتے ہوئے چیمپئنز ٹرافی کے کامیاب انعقاد کو پاکستان کی تاریخی کامیابی قرار دیا ہے۔

واضح رہے کہ بھارت کی ہٹ دھرمی کے باعث ٹیم انڈیا کے تمام میچز ہائبرڈ ماڈل کے تحت دبئی میں کھیلے گئے۔

بھارتی ٹیم کو اس ایونٹ میں ایک ہی میدان اور کنڈیشن میں کھیلنے کے ایڈوانٹیج اور میزبان پاکستان سمیت دیگر ٹیموں کے طویل سفر پر سابق اور موجودہ کرکٹرز آئی سی سی پر بھارت کو بے جا فائدہ دینے کے الزامات بھی عائد کر رہے ہیں۔

وقت اشاعت : 13/03/2025 - 11:32:28