جسپریت بمراہ کا کرکٹ کیریئر ختم ہونے کے دہانے پر؟

اب اگر جسپریت بمراہ کو کمر کی انجری ہوئی تو ان کا کیریئر ختم ہوسکتا ہے: سابق کیوی سپیڈ سٹار

ذیشان مہتاب جمعرات 13 مارچ 2025 12:26

جسپریت بمراہ کا کرکٹ کیریئر ختم ہونے کے دہانے پر؟

آکلینڈ (اردو پوائنٹ تازہ ترین اخبار ۔ 13 مارچ 2025ء ) نیوزی لینڈ کے سابق فاسٹ بولر شین بونڈ کا کہنا ہے کہ اگر اب بھارتی فاسٹ بولر جسپریت بمراہ کمر کی انجری ہوئی تو ان کا کیریئر ختم ہوجائے گا۔

بھارت کے مایہ ناز فاسٹ بولر جسپریت بمراہ بارڈر گواسکر ٹرافی میں شاندار کارکردگی کے بعد کمر کی تکلیف میں مبتلا ہوئے اور اسی وجہ سے وہ چیمپئنز ٹرافی کھیلنے سے بھی محروم رہے۔

نیوزی لینڈ کے 49 سالہ سابق اسپیڈ اسٹار شین بونڈ نے کہا کہ بمراہ کو چیمپئنز ٹرافی 2025ء کے لیے بھارتی اسکواڈ میں شامل نہ کرنے کی پیشگوئی کی تھی، انڈین پریمیئر لیگ اور انگلینڈ کے خلاف پانچ میچوں کی ٹیسٹ سیریز جسپریت بمراہ کے لیے خطرناک ثابت ہوسکتی ہے۔

انہوں نے کہا کہ جب وہ اسکین کے لیے روانہ ہوئے تو سڈنی میں تھے اردگرد سے کچھ پیغامات آرہے تھے کہ ان کے پاؤں میں موچ ہے، میں فکرمند تھا کہ یہ موچ تو نہیں ہے یہ کمر کے اردگرد ہڈیوں کی چوٹ ہے۔

(جاری ہے)

شین بانڈ نے کہا کہ اگر ہم اسے انگلش موسم گرما کے دوران شامل کرتے ہیں اور وہ فٹ ہے تو شاید کچھ اعتماد کے ساتھ جاسکتے ہیں، ہم اسے باقی فارمیٹس لے جا سکتے ہیں لہٰذا یہ مشکل ہے کیونکہ آپ کا بہترین بولر ہے لیکن اگر اسے اسی جگہ پر کوئی اور چوٹ لگی ہے تو یہ ممکنہ طور پر کیریئر کا اختتام ہوسکتا ہے۔

سابق فاسٹ بولر نے کہا کہ مجھے یقین نہیں ہے کہ آپ اس جگہ پر دوبارہ سرجری کرسکتے ہیں۔

بھارتی میڈیا رپورٹ کے مطابق بمراہ آئی پی ایل 2025ء کے پہلے دو ہفتوں سے محروم رہ سکتے ہیں، ممبئی انڈینز جلد سے جلد اپنے فاسٹ بولر کی واپسی کی امید کر رہے ہیں۔

وقت اشاعت : 13/03/2025 - 12:26:58