پاکستان کرکٹ بورڈ کا نئے کھلاڑیوں کی تلاش کیلئے ٹیلنٹ ہنٹ پروگرام شروع کرنے کا اعلان

لاہور (اُردو پوائنٹ اخبارتازہ ترین - این این آئی۔ 22 مارچ2025ء)پاکستان کرکٹ بورڈ نے نئے کھلاڑیوں کی تلاش کے لئے پی سی بی ٹیلنٹ ہنٹ پروگرام شروع کرنے کا اعلان کرتے ہوئے کہا ہے کہ اسکول کالجز کی سطح سے وہ بچے بچیاں جو کرکٹ میں دلچسپی رکھتے ہیں انہیں آگے لایا جائے گا،اس پروگرام سے گراس روٹ لیول پرکرکٹ میں بہتری آئے گی۔اس امر کا اعلان پاکستان کرکٹ بورڈ کے سی او او سمیر احمد سید اور چیئرمین پی سی بی محسن نقوی کے مشیر عامر میر نے ہیڈ آف ویمن کرکٹ رافعہ حیدر اور سینئر جنرل منیجر ڈومیسٹک کرکٹ جنید ضیاء کے ہمراہ قذافی اسٹیڈیم میں پریس کانفرنس کرتے ہوئے کیا ۔

ٹیلنٹ ہنٹ پروگرام کا مقصد ملک میں کھیلوں کا فروغ ہے، اسکول کالجز کی سطح سے وہ بچے بچیاں جو کرکٹ میں دلچسپی رکھتے ہیں انہیں اگے لایا جائے گا۔

(جاری ہے)

چیئرمین محسن نقوی کی ہدایت پرٹیلنٹ ہنٹ شروع کیاجارہاہے، ٹیلنٹ ہنٹ پروگرام کا مقصدملک میں کھیلوں کافروغ ہے، اسکولز اور کالجز کے بچوں کو قومی کرکٹ میں شامل کرنے کے اقدامات کررہے ہیں۔ان کا کہنا تھا کہ اسکول،کالجزسطح سے وہ بچے بچیاں جودلچسپی رکھتے ہیں انہیں کرکٹ میں آگے لایا جائے گا ، اسکولز سے انڈر16تک کی کھیپ ملے گی، کالجرز سے انڈر18تک کاٹیلنٹ ملے گا۔

مشیرچیئرمین پی سی بی نے کہا کہ قومی کوچزنئے ٹیلنٹ کی تربیت کریں گے،گرلز اسکولز اور کالجزسے بھی ٹیلنٹ تلاش کیاجائے گا ، اسکول اور کالجز سے قومی لیول پر کیمپس بھی لگائے جائیں گے۔انہوں نے کہا کہ ہم ملک کرکٹ کو فروغ دینا چاہتے ہیں۔ میرٹ کی بنیاد پر بچوں کا انتخاب کیا جائے گا۔سی ای او پی سی بی سمیر احمد نے کہا کہ گراس روٹ کرکٹ کی اہمیت کو اجاگر کرنے کی ضرورت ہے، پی سی بی ٹیلنٹ ہنٹ پروگرام کا مقصد لوکل ٹیلنٹ کو سامنے لانا ہے۔

انہوں نے کہا کہ پی سی بی اسکولوں اورکالجوں کی سطح پر ٹیلنٹ ہنٹ پروگرام شروع کرنے جا رہا ہے۔ پروگرام کے ذریعے باصلاحیت بچوں اور بچیوں کو قومی ٹیم میں شمولیت تک رسائی ملے گی۔جنید ضیا نے کہا کہ اسکول لیول سے ٹیلنٹ کو اوپر لانا وقت کی ضرورت ہے۔اگلیماہ سیٹیلنٹ ہنٹ پروگرام کے لئے رجسٹریش کاآغازہوگا، اسکول اورکالجزکیطلبہ کیٹرائل ہوں گے، باصلاحیت کھلاڑیوں کوسامنیلایاجائیگا، بیٹنگ، باولنگ اور فیلڈنگ کے حوالے سے ٹریننگ بہتر کرنی ہے، ٹورنامنٹ ستمبر سے نومبر تک چلے گا۔