رضوان نے نسیم شاہ کا موبائل فون توڑ دیا

لاہور(اُردو پوائنٹ اخبارتازہ ترین - این این آئی۔ 22 مارچ2025ء)پاکستان ون ڈے ٹیم کیکپتان اور وکٹ کیپر بیٹر محمد رضوان نے فاسٹ بولر نسیم شاہ کا موبائل فون توڑ دیا۔دورہ نیوزی لینڈ کے لیے ون ڈے ٹیم کے کیمپ میں پریکٹس سیشن کے دوران محمد رضوان کے زور دار شاٹ سے نسیم شاہ کا ڈریسنگ روم میں رکھا فون ٹوٹ گیا۔ نسیم شاہ فون ٹوٹنے پر اداس ہوگئے اور انہوں نے محمد رضوان کو ٹوٹا ہوا موبائل بھی دکھایا۔

(جاری ہے)

خیال رہے کہ دورہ نیوزی لینڈ کے لیے ون ڈے اسکواڈ کے 9 کھلاڑی ایل سی سی گراؤنڈ میں ٹریننگ کر رہے ہیں۔ پی سی بی کے مطابق 9 کھلاڑیوں میں کپتان محمد رضوان، عبداللّٰہ شفیق، بابر اعظم، فہیم اشرف، امام الحق، وسیم جونئیر، نسیم شاہ، عاکف جاوید اور طیب طاہر شامل ہیں۔ پی سی بی کے مطابق قومی کرکٹ ٹیم کا ون ڈے اسکواڈ 23 مارچ کی صبح براستہ دبئی نیوزی لینڈ روانہ ہوگا۔پاکستان اور نیوزی لینڈ کے درمیان 3 ون ڈے میچز کی سیریز 29 مارچ سے 5 اپریل تک کھیلی جائیگی۔