رنز کے اعتبار سے پاکستان کو ٹی ٹونٹی تاریخ کی بدترین شکست

نیوزی لینڈ کو5 میچوں کی سیریز میں1-3 کی فیصلہ کن برتری حاصل ہوگئی

ذیشان مہتاب اتوار 23 مارچ 2025 14:54

رنز کے اعتبار سے پاکستان کو ٹی ٹونٹی تاریخ کی بدترین شکست

مائونٹ منگوئی (اردو پوائنٹ تازہ ترین اخبار ۔ 23 مارچ 2025ء ) نیوزی لینڈ نے ٹی20 سیریز کے چوتھے میچ میں رنز کے اعتبار سے پاکستان کو ٹی ٹوئنٹی تاریخ کی بدترین شکست دیدی ، نیوزی لینڈ کو5 میچوں کی سیریز میں1-3 کی فیصلہ کن برتری حاصل ہوگئی۔

نیوزی لینڈ کے خلاف ٹی20 سیریز کے چوتھے میچ میں پاکستان نے ٹاس جیت کر بولنگ کا فیصلہ کیا۔

نیوزی لینڈ نے پہلے کھیلتے ہوئے 220 رنز بنائے تھے، جواب میں قومی ٹیم 105 رنز پر ڈھیر ہوگئی۔

پاکستان کے 9 کھلاڑی ڈبل فیگر میں بھی داخل نہ ہوئے، عبدالصمد 44 رنزکے ساتھ ٹاپ اسکورر رہے۔

یہ رنز کے اعتبار سے یہ پاکستان کوٹی ٹونٹی تاریخ کی بدترین شکست ہے۔ اس سے قبل قومی ٹیم کو نیوزی لینڈ کے ہی خلاف 2016ء میں ویلنگٹن میں 95 رنز سے شکست ہوئی تھی، پاکستانی ٹیم 2012ء میں دبئی میں آسٹریلیا سے بھی 94 رنز سے ہار چکی ہے۔

(جاری ہے)

اس سے قبل کیویز نے میچ کا آغاز پاکستان کے خلاف جارحانہ بیٹنگ سے کیا، اوپنر بلے باز ٹم سیفرٹ 44 رنز بناکر حارث روف کے بال پر کیچ آوٹ ہوگئے۔

فن ایلن نے 20 گیندوں پر 50 رنزکی جارحانہ اننگز کھیلی۔ کیوی کپتان مائیکل بریسول نے 26 گیندوں پر 46 رنز بنائے۔

پاکستان کی جانب سے شاداب خان نے 4 اوورز میں 49 رنز دیے، شاہین شاہ آفریدی کو 4 اوورز میں49 رنز کی مار پڑی، حارث رؤف نے 3 اور ابرار احمد نے 2 وکٹیں حاصل کیں۔

وقت اشاعت : 23/03/2025 - 14:54:48