سیالکوٹ،وسیم بٹ میموریل ٹی ٹونٹی نائٹ کرکٹ ٹورنامنٹ کا فائنل سی اے فراز سپورٹس نے جیت لیا

سیالکوٹ (اُردو پوائنٹ اخبارتازہ ترین - اے پی پی۔ 17 اپریل2025ء) وسیم بٹ میموریل ٹی ٹونٹی نائٹ کرکٹ ٹورنامنٹ کا فائنل میچ سی اے فراز سپورٹس نے جیت لیا۔تفصیلات کے مطابق سی اے گولڈ کرکٹ گراؤنڈ میں کھیلے جانے والے وسیم بٹ میموریل ٹی ٹوئنٹی نائٹ کرکٹ ٹورنامنٹ کے فائنل میں سی اے فراز سپورٹس کے کپتان زاہدجاوید نے ٹاس جیت کر پہلے بیٹنگ کرتے ہوئے مقررہ بیس اوورز میں336رنز بنائے جن میں کاشف 79رنز، ولید طارق 72اور سمیر زاہد61سکورز کرکے نمایاں رہے۔

(جاری ہے)

ہدف کے تعاقب میں احمد اجلیس سینئرز گوجرانوالہ کی ٹیم263رنز بنا کر پویلین میں لوٹ گئی، یوں فائنل میچ سی اے فراز نے اپنے نام کیا، عاطف انور نے4،راشد خلیل نے 3 اور بشارت، سلیمان اور یاسر نے 2،2کھلاڑیوں کو آؤٹ کیا۔ مہمانان خصوصی چیئرمین ایئر سیال فضل جیلانی، حاجی شاہد جاویداور زاہد سلیم مرزا نے فائنل میچ کے مین آف دی میچ ولید طارق، ٹورنامنٹ کے بیسٹ آل راؤنڈر مدثر گھمن سمیت جیتنے والی ٹیم، اوررنزاپ ٹیم کو ٹرافی، میڈیلز اور نقد انعامات سے نوازا ۔