انگلش پریمیئر لیگ،لیورپول کی 25 ویں فتح ،ٹوٹنہم ہاٹ پورکو با آسانی 1-5 گول سے ہرا دیا

لندن (اُردو پوائنٹ اخبارتازہ ترین - اے پی پی۔ 28 اپریل2025ء) انگلش پریمیئر لیگ کی ٹاپ ٹیبل ٹیم لیورپول نے ایک میچ میں اپنی عمدہ کارکردگی کی بدولت ٹوٹنہم ہاٹ پور کو باآسانی کی ٹیم کو 1-5 گول سے ہرا دیا۔ یہ لیورپول کی ای پی ایل میں 25ویں فتح ہے۔لوئس ڈیاز،الیکسس میک الیسٹر،کوڈی گکپو،محمد صلاح اور ڈیسٹنی اڈوگی نے ایک، ایک گول کر کے اپنی ٹیم لیورپول کی فتح میں کلیدی کردار ادا کیا۔

پریمیئر لیگ کے دلچسپ مقابلے انگلینڈ میں جاری ہیں،جس میں شائقین فٹ بال کو کانٹے دار میچز دیکھنے کو مل رہے ہیں۔اینفیلڈ،لیورپول میں کھیلے گئے لیگ کے اہم میچ میں لیورپول اور ٹوٹنہم ہاٹ پور کی ٹیمیں آمنے سامنے تھیں۔ لیورپول کی ٹیم نے میچ میں شاندار کارکردگی کا مظاہرہ کرتے ہوئے ٹوٹنہم ہاٹ پور کی ٹیم کو ایک کے مقابلے میں 5گول سے ہرا دیا۔

(جاری ہے)

ای پی ایل کی ٹاپ ٹیبل ٹیم لیورپول کی جانب سے لوئس ڈیاز،الیکسس میک الیسٹر،کوڈی گکپو،محمد صلاح اور ڈیسٹنی اڈوگی نے ایک، ایک گول کر کے اپنی ٹیم کی فتح میں اہم کردار ادا کیا۔ ٹوٹنہم ہاٹ پور کی ٹیم کی طرف سے میچ میں واحد گول ڈومینک سولانکے نے سکور کیا۔ واضح رہے کہ انگلش پریمیئر لیگ میں لیورپول کی ٹیم پوائنٹس ٹیبل پر 82 پوائنٹس کے ساتھ ٹاپ پوزیشن پر براجمان ہے۔آرسنل کی ٹیم 67 پوائنٹس کے ساتھ دوسرے جبکہ نیوکیسل یونائیٹڈ کی ٹیم 62 پوائنٹس کے ساتھ تیسرے نمبرپر ہے ۔ \932