بابر اعظم کی وکٹ پر عامر کا تضحیک آمیز جشن، ویوین رچرڈز بھی ناخوش

قذافی سٹیڈیم میں کھیلے گئے میچ میں محمد عامر نے بابر اعظم کے سر پر بائونسر مارا ، اسکے اگلے اوور میں ایل بی ڈبلیو آؤٹ کردیا

ذیشان مہتاب پیر 28 اپریل 2025 10:05

بابر اعظم کی وکٹ پر عامر کا تضحیک آمیز جشن، ویوین رچرڈز بھی ناخوش

لاہور (اردو پوائنٹ تازہ ترین اخبار ۔ 28 اپریل 2025ء ) پشاور زلمی کے کپتان بابر اعظم کی وکٹ پر عامر کا تضحیک آمیز جشن سے ویوین رچرڈز ناخوش ہو گئے ۔

تفصیلات کے مطابق پشاور زلمی اور کوئٹہ گلیڈی ایٹرز کے درمیان کھیلے جا نے والے میچ بابر اعظم کی وکٹ حاصل کرنے کے بعد تضحیک آمیز جشن پر ویوین رچرڈز بھی ناخوش نظر آئے ۔

(جاری ہے)

قذافی سٹیڈیم میں کھیلے گئے میچ میں محمد عامر نے بابر اعظم کے سر پہ نہ صرف بائونسر مارا بلکہ اس کے اگلے اوور میں ایل بی ڈبلیو آؤٹ کردیا، جب بابر نے ریویو لیا لیکن وہ فیصلہ اعظم کے خلاف گیا اور بابرعظم ایل بی ڈبلیو آؤٹ قرار پائے۔

محمد عامر نے اس کا جشن بہت بھونڈے انداز میں منایا۔ انہوں نے گراؤنڈ میں دور تک بھاگتے ہوئے شور مچایا اور اس کے بعد اپنے ڈریسنگ روم کی طرف ایسے رخ کر کے ہاتھوں کے اشارے کیے جو بابر اعظم کی تضحیک کے لیے تھے۔

اس پر سٹیڈیم میں موجود ماضی کے عظیم کھلاڑی اور ٹیم کے مینٹور سرویون رچرڈز نے انہیں ہاتھ کے اشارے سے ٹھنڈا ہونے کوکہا اور ان کے چہرے سے لگ رہا تھا کہ انہیں محمد عامر کا یہ انداز پسند نہیں آیا ۔

وقت اشاعت : 28/04/2025 - 10:05:09