پی ایس ایل 17سی25مئی تک ہوگی، نیا شیڈول جاری

لاہور (اُردو پوائنٹ اخبارتازہ ترین - این این آئی۔ 13 مئی2025ء)پاکستان کرکٹ بورڈ نے ایچ بی ایل پی ایس ایل 10کا نیا شیڈول جاری کردیا۔ایچ بی ایل پی ایس ایل کے بقیہ آٹھ میچز 17سی25مئی تک راولپنڈی اور لاہور میں کھیلے جائیں گے۔راولپنڈی کرکٹ اسٹیڈیم میں لیگ کے آخری چار میچز کھیلے جائیں گے۔قذافی اسٹیڈیم لاہور پلے آف مرحلے کی میزبانی کرے گا جس میں فائنل بھی شامل ہے۔

نئے شیڈول کے تحت 17مئی کو راولپنڈی میں پشاور زلمی اور کراچی کنگز کے درمیان میچ کھیلا جائے گا۔

(جاری ہے)

18مئی کو راولپنڈی میں ڈبل ہیڈر میں پہلا میچ ملتان سلطانز اور کوئٹہ گلیڈی ایٹرز کا مقابلہ ہوگا ۔ اسی روز لاہور قلندرز اور پشاور زلمی کی ٹیمیں مدمقابل ہوں گی۔19مئی کو راولپنڈی میں آخری لیگ میچ اسلام آباد یونائٹڈ اور کراچی کنگز کے درمیان کھیلا جائے گا۔21مئی کو لاہور میں پہلا کوالیفائر کھیلا جائے گا،22مئی کو ایلیمنیٹرون ہوگا،23مئی کو کوالفائر ٹو ہوگا۔جبکہ 25مئی کو ایچ بی ایل پی ایس ایل کا فائنل قذافی اسٹیڈیم لاہور میں کھیلا جائے گا۔لیگ کا واحد دوپہر کا میچ تین بجے اور اس روز ڈبل ہیڈر میچ آٹھ بجے ہوگا۔ رات کے دیگر میچز ساڑھے سات بجے شروع ہوں گے