سمر سپورٹس کیمپس کامقصد بچوں کو موبائل سے نکال کر گرائونڈ زمیں لانا ہے،ڈی جی سپورٹس پنجاب

لاہور (اُردو پوائنٹ اخبارتازہ ترین - اے پی پی۔ 23 جون2025ء) ڈائریکٹرجنرل سپورٹس پنجاب خضرافضال چوہدری کی زیر صدارت سمر سپورٹس کیمپس کی تیاریوں کے حوالے سے اہم اجلاس منعقد ہوا ہے۔

(جاری ہے)

پیر کے روز نیشنل ہاکی سٹیڈیم میں ہونیوالے اجلاس میں ڈائریکٹرایڈمن ڈاکٹرمحمد کلیم، ڈائریکٹر سپورٹس رانا ندیم انجم، کوچز اورنشترپارک سپورٹس کمپلیکس کے تمام ایڈمنسٹریٹرز نے شرکت کی ہے، ڈائریکٹرجنرل سپورٹس نے اجلاس سے خطاب کرتے ہوئے کہا ہے کہ سمر سپورٹس کیمپس کی تیاریاں مکمل کرلی گئی ہیں،تمام سمر سپورٹس کیمپس مختلف سیشنز میں ہوں گے، کھلاڑیوں کو مختلف گروپس میں تقسیم کیا جارہاہے،سمر سپورٹس کیمپس میں 5سے19سال کے بچے شرکت کررہے ہیں، انہوں نے مزید کہا کہ ہمارا مقصد بچوں کو موبائل سے نکال کر گرائونڈ زمیں لانا ہے،کیمپس میں ماہر کوچز کھلاڑیوں کی تربیت کریں گے،تربیتی کیمپس میں کھلاڑیوں ں کو بہترین سہولیات مہیا کی جائیں گی۔