بھارت کی نئی سازش ،ایشیاء کپ کے بائیکاٹ کیلئے نئے بہانے تراشنے لگا

محسن نقوی کے آئی سی سی اجلاس میں نہ جانے پرایشیا کپ کے بائیکاٹ کی دھمکی، اے سی سی اجلاس کا وینیو تبدیل نہ ہوا تو بھارت ایشیاء کپ نہیں کھیلے گا: انڈین میڈیا

ذیشان مہتاب اتوار 20 جولائی 2025 07:05

بھارت کی نئی سازش ،ایشیاء کپ کے بائیکاٹ کیلئے نئے بہانے تراشنے لگا

لاہور (اردو پوائنٹ تازہ ترین اخبار ۔ 20 جولائی 2025ء ) بھارت نے ایشین کرکٹ کونسل ( اے سی سی ) کے صدر محسن نقوی کے انٹرنیشنل کرکٹ کونسل (آئی سی سی) اجلاس میں نہ جانے پر ایشیا کپ کے مکمل بائیکاٹ کی دھمکیاں دینا شروع کردیں۔

ذرائع کے مطابق محسن نقوی سنگاپور میں ہونے والے آئی سی سی کے سالانہ اجلاس میں ذاتی طور پر شریک نہیں ہوں گے بلکہ آن لائن شرکت کریں گے۔

یہ اجلاس آئی سی سی چیئرمین جے شاہ کی سربراہی میں پہلا سالانہ اجلاس ہے۔

(جاری ہے)

ایشین کرکٹ کونسل کے صدر محسن نقوی نے ایشیا کپ کے حوالے ایک اہم اجلاس ڈھاکا میں طلب کیا ہے تاہم بھارتی میڈیا کا دعویٰ ہے کہ بھارت، عمان، سری لنکا اور افغانستان اس اجلاس کا بائیکاٹ کریں گے، ان ممالک کی غیرموجودگی میں ہونے والے کسی بھی فیصلے کی کوئی اہمیت نہیں ہوگی۔

بھارت کی جانب سے کہا گیا کہ ایشیا کپ تب ہی ممکن ہوگا جب اجلاس کا وینیو تبدیل کیا جائے گا۔

ذرائع کے مطابق صدر اے سی سی محسن نقوی اجلاس کا مقام تبدیل کرنے پر تیار نہیں اور اپنے فیصلے پر ڈٹے ہوئے ہیں۔

اے سی سی کی جانب سے تمام ممبر ممالک کو براہ راست شرکت نہ کرنے کی صورت میں آن لائن شرکت کا آپشن بھی فراہم کیا گیا ہے۔

وقت اشاعت : 20/07/2025 - 07:05:08

بھارت کی نئی سازش ،ایشیاء کپ کے بائیکاٹ کیلئے نئے بہانے تراشنے لگا

محسن نقوی کے آئی سی سی اجلاس میں نہ جانے پرایشیا کپ کے بائیکاٹ کی دھمکی، اے سی سی اجلاس کا وینیو تبدیل نہ ہوا تو بھارت ایشیاء کپ نہیں کھیلے گا: انڈین میڈیا

متعلقہ عنوان :

Browse Cricket

Browse Sports

Sports News In Urdu

Famous Sports Players