پی سی بی آئی سی سی سے اپنا مطالبہ منوانے میں ناکام

دبئی (اُردو پوائنٹ اخبارتازہ ترین۔ 17 ستمبر2025ء) پی سی بی آئی سی سی سے اپنا مطالبہ منوانے میں ناکام، چئیرمین محسن نقوی کی ناکامی، متنازعہ ایمپائر اینڈی پائی کرافٹ ہی پاکستان کا میچ کروائیں گے۔ پاکستانی ٹیم ہوٹل سے اسٹیڈیم کیلئے روانہ ہو گئی، متنازعہ میچ ریفری اینڈی پائی کرافٹ کے دبئی اسٹیڈیم سے آئی سی سی ہیڈکوارٹر روانہ ہو جانے کے بعد قومی ٹیم کو اسٹیڈیم کیلئے روانہ ہونے کی ہدایت کر دی گئی، پاکستان اورمتحدہ عرب امارات کےمیچ کوایک گھنٹہ آگےبڑھا دیا گیا۔

تفصیلات کے مطابق پاکستان آئی سی سی سے اپنا مطالبہ منوانے میں ناکام ہو گیا۔ پاکستان کرکٹ بورڈ کی جانب سے سخت موقف اختیار کرتے ہوئے مطالبہ کیا گیا تھا کہ اینڈی پائی کرافٹ کو پاکستان کے میچز سپروائز کرنے سے روکا جائے، اگر ایسا نہیں ہوتا تو پاکستان ایشیا کپ کے بقیہ میچز کا بائیکاٹ کر دے گا۔

(جاری ہے)

اس حوالے سے بدھ کے روز اس وقت ہلچل دیکھی گئی جب آئی سی سی نے پاکستان کا مطالبہ مسترد کر دیا اور اینڈی پائی کرافٹ پاکستان اور یو اے ای کا میچ سپروائرز کرنے کیلئے دبئی کرکٹ اسٹیڈیم پہنچ گئے۔

اس موقع پر چئیرمین پی سی بی محسن نقوی نے پاکستان کرکٹ ٹیم کو ہوٹل سے اسٹیڈیم کیلئے روانہ ہونے سے روک دیا۔ یہ اطلاعات بھی سامنے آئیں کہ پاکستان اور یو اے ای کا میچ منسوخ ہونے کا امکان ہے۔ پی سی بی کی جانب سے دوبارہ مطالبہ کیا گیا کہ اینڈی پائی کرافٹ کی جگہ کسی دوسرے میچ ریفری کو پاکستان اور یو اے ای کا میچ سپروائز کرنے کی ذمے داری سونپی جائے۔ تاہم پاکستان کرکٹ بورڈ ایک مرتبہ پھر آئی سی سی سے اپنا مطالبہ منوانے میں ناکام رہا، اینڈی پائی کرافٹ کی جانب سے معذرت کرنے پر پاکستان کرکٹ بورڈ نے یو اے ای کیخلاف میچ کھیلنے کیلئے رضامندی ظاہر کر دی۔