پاکستانی بلے بازوں کو پھنسانےکیلئے شین وارن کے عادل رشید کو مشورے

شارجہ (اردو پوائنٹ تازہ تر ین اخبار31اکتوبر۔2015ء ) شہرہ آفاق آسٹریلوی لیگ اسپنر شین وارن نے پاکستانی سپنر یاسر شاہ کو انگلش ٹیم کو سپن جال میں پھنسانے کی تدبیر بتانے کے بعد انگلش سپنر عادل رشید کو بھی اپنی مفید مشورےدیئے ۔ انگلش ٹیم پاکستان کیخلاف تیسرے ٹیسٹ کےلئے تیاریوں میں مصروف ہیں اور اسی دوران سابق اسپنر وارن نے عادل رشید کی بولنگ میں رہنمائی کی ۔

(جاری ہے)

اس موقع پر وارن کا کہنا تھا کہ عادل رشید بہتر سپنر ہے ۔ ان کے اندر وہ تمام صلاحیتیں ہیں جو ایک اچھے سپنر میں ہونی چاہیے ۔ انہیں تیز بولنگ کرنے کی بجائے میدان میں صبر وتحمل کا مظاہرہ کرنا چاہیے۔ انہوں نے کہا کہ ٹیسٹ کرکٹ میں مستقل مزاجی کی ضرورت ہوتی ہے کیوں کہ صبر وتحمل سے ہی میچ کا پانسہ پلٹا جاسکتا ہےلیکن جلد بازی ٹیم کو تباہی کے دہانے پر پہنچاسکتی ہےاورعادل رشید آرام و سکون سے بولنگ کرابیٹسمینوں کا وکٹوں پردیر تک رکنا محال کرسکتے ہیں ۔