پاکستانی باکسر محمد وسیم نے کیریئر کی دوسری پروفیشنل باکسنگ فائٹ جیت لی

بنکاک (اُردو پوائنٹ اخبارتازہ ترین - آن لائن07دسمبر۔2015ء) پاکستانی باکسر محمد وسیم نے بنکاک میں منعقدہ سپر فلائٹ ویٹ کیٹگری میں انڈونیشین حریف کو ناک آوٴٹ کرتے ہوئے کیریئر کی دوسری پروفیشنل باکسنگ فائٹ جیت لی۔

(جاری ہے)

محمد وسیم نے بنکاک میں ہونے والے سپر فلائی ویٹ کیٹگری (52 کلو گرام) کے مقابلے میں انڈونیشا کے باکسر سوپریانٹو ڈوگلو پر تابڑ توڑ مکے برساتے ہوئے تیسرے راوٴنڈ میں انھیں ناک آوٴٹ کردیا اور کیریئر کی دوسری پروفیشنل کامیابی حاصل کی۔

اس جیت کے ساتھ کوئٹہ سے تعلق رکھنے والے 28 سالہ باکسر کے لیے اگلے سال ہونے والے ریجنل ایونٹس میں شرکت کی راہ ہموار ہوگئی ہے۔وسیم نے اس سے قبل رواں سال 4 اکتوبر کو کوریا باکسنگ چمپیئن شپ میں کوریا کے ہی من وو لی کو شکست دے کر پروفیشنل باکسنگ میں قدم رکھا تھا۔وسیم گزشتہ کچھ ماہ سے کوریا کے اینڈی کم کی زیر نگرانی باکسنگ ٹورنامنٹ کی تیاری کررہے تھے۔