پی ایس ایل، کوئٹہ گلیڈئیڑ نے عبدالرزاق کی خدمات حاصل کرلی

لاہور(اُردو پوائنٹ اخبارتازہ ترین - آئی این پی۔ 30 نومبر2016ء) پاکستان سوپر لیگ (پی ایس ایل)کی فرنچائز کوئٹہ گلیڈئیڑ نے ٹیسٹ آل رائونڈر عبدلرزاق کی خدمات حاصل کر لی ہیں۔

(جاری ہے)

پاکستان کے لئے 46ٹیسٹ 265ون ڈے اور 32ٹی 20انڑنیشنل کھیلنے والے آل راونڈر عبدالرزاق پاکستان سوپر لیگ کے دوسرے ایڈیشن میں کوئٹہ گلیڈئیڑ کے اسسٹنٹ کوچ اور بولرز کی تریبت کے لئے کوچ معین خان کیساتھ کام کرینگے۔

پاکستان سوپر لیگ میں اسلام آباد یونائیٹیڈ نے وسیم اکرم اور سلیکشن کمیٹی کے رکن توصیف احمد کی خدمات حاصل کر رکھی ہیں ،جب کہ پشاور زلمی نے اس بار ٹیسٹ کر کٹ میں پاکستان کیلئے سب سے زیادہ رنز بنانے والے یونس خا ن کوسائن کیا ہے۔لاہور قلندر کے کر کٹ ڈائریکڑ عاقب جاوید ہیں جبکہ کرا چی کنگز نے ٹیسٹ وکٹ کیپر راشد لطیف کی خدمات حاصل کر رکھی ہیں